ភ្នំពេញ៖)សាកសពស្រ្តីម្នាក់ត្រូវបានជនជាតិខ្មែរឥស្លាមប្រទះឃើញស្លា ប់ អណ្ដែតនូវក្នុងទឹកទន្លេសាបហើយបានរសាត់មកទើនូវជាងនឹងច្រាំងទន្លេ ត្រើយខាងកើត ទើបបង្កឱ្យមានការភ្ញាក់ផ្អើលយ៉ាងខ្លាំងដល់ប្រជាពលរដ្ឋនាំគ្នារត់ទៅរាយការណ៍ជូនសមត្ថកិច្ចមូលដ្ឋានឲ្យចុះមកត្រួតពិនិត្យមើល។
ហេតុការណ៍គួរឱ្យភ្ញាក់ផ្អើលនេះបានកើតឡើងកាលពីវេលាម៉ោង០៩នឹង៣០នាទីព្រឹក ថ្ងៃទី២១ ខែកក្កដា ឆ្នាំ២០២១ ត្រង់ចំណុចក្នុងច្រាំងទន្លេ ស្ថិតតាមបណ្ដោយផ្លូវទៅសុខាអូតែល ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
សពស្ត្រីរងគ្រោះ មកដល់ម៉ោងនេះមិនទាន់មាននរណាម្នាក់ស្គាល់អត្ដសញ្ញាណរបស់គាត់នៅឡើយទេ គ្រាន់តែដឹងថារូបគេស្លៀកពាក់ខោអាវខ្លី ពណ៌ខ្មៅ ហើយមានប៉ាក់អក្សរ ជាភាសាអង់គ្លេសតែប៉ុណ្ណោះ ចំណែកសពស្ត្រីរងគ្រោះត្រូវបានគេអះអាងថាជនជាតិចិនហ្នឹងហើយដែលបានលោតទឹកសម្លាប់ខ្លួនពីលើកាណូតទេសចរណ៍កាលពីថ្ងៃអាទិត្យ ទី១៨ ខែកក្កដា ឆ្នាំ២០២១ នេះតែម្ដង។
យោងតាមប្រភពព័ត៌មានបានឲ្យដឹងថា កាលពីយប់ប្រហែលជាម៉ោង១១នឹង០០នាទីត្រូវនឹងថ្ងៃអាទិត្យទី១៨ ខែកក្កដា ឆ្នាំ២០២១ ស្ត្រីរងគ្រោះរួមជាមួយនឹងដៃគូបាននាំគ្នាមកជួលកាណូតទេសចរណ៍មួយគ្រឿងជិះដើរកំសាន្តលេងនូវក្នុងទន្លេសាប ពីត្រើយខាងលិចក្នុងសង្កាត់ផ្សារកណ្ដាលទី០១ ខណ្ឌដូនពេញ។
ខណៈពេលកំតែដើរលេងសប្បាយស្រាប់តែបានឈ្លោះប្រកែកគ្នាធ្វើឲ្យខាងប្រុសខឹងក៍បានលោតចុះទៅក្នុងទឹកទន្លេដើម្បីសម្លាប់ខ្លួនឯង ក្រោយមកនាងឃើញដូច្នេះក៏លោតចុះទៅក្នុងទឹកទន្លេតាមពីក្រោយលិចចូលទៅក្នុងបាទទន្លេបាត់ រីឯបុរសជាសង្សារគាត់ជាអ្នកចេះហែលទឹកទើបបានជាមិនស្លាប់។
តាំងពីថ្ងៃអាទិត្យទី១៨ រហូតមកដល់ថ្ងៃទី២១ ខែកក្កដា ឆ្នាំ២០២១នេះទើបប្រជាពលរដ្ឋប្រទះឃើញសពអណ្ដែតទឹកបង្កឲ្យមានការភ្ញាក់ផ្អើលដល់សមត្ថកិច្ចមូលដ្ឋានចុះមុខត្រួតពិនិត្យមើលនិងចិត្តចែងស្រង់យកមកដាក់លើគោកហើយទាក់ទងទៅលោកគ្រូពេទ្យឲ្យចុះមកយកសំណាក់ទៅត្រួតពិនិត្យមើលរកជំងឺកូវិដ ,១៩ ក្រោយពេលពិនិត្យរួចរាល់លោកគ្រូពេទ្យបានបញ្ជាក់ប្រាប់ទៅសមត្ថកិច្ចជំនាញថាជនរងគ្រោះគឺអវិជ្ជាមាននៅកូវីដ ១៩ ទើបសមត្ថកិច្ចជំនាញធ្វើកុសល្យវិច្ច័យរួចរាល់ក៏បានប្រគល់ទៅឲ្យរថយន្តសាមុយដឹកយកទៅរក្សាទុករងចាំស្វែងរកអត្ដសញ្ញាណនិងក្រុមគ្រួសារមកទទួលយកទៅធ្វើបុណ្យតាមប្រពៃណីជាតិរាងៗខ្លួន៕