ភ្នំពេញ៖ ជនសង្ស័យម្នាក់បានធ្វេីសកម្មភាពលួចម៉ូតូម៉ាកnex2 មួយគ្រឿងហេីយបានយកទៅលក់នៅហាងបញ្ចាំមួយកន្លែងនៅផ្លូវ២៤៧ ក្នុងងសង្កាត់ទឹកល្អកទី៣ ខណ្ឌទួលគោក ហេីយព្យាយាមគេចខ្លួនអស់រយះពេលជិត១ខែទៅហេីយរហូតមកដល់យប់ថ្ងៃទី២៨ ខែកក្កដា ឆ្នាំ២០២១ ទេីបជនរងគ្រោះប្រទះឃើញចាប់និងនាំជនសង្ស័យយកមកចង្អុលបញ្ហាញទីតាំងលក់វិញ ទើបបង្កមានភ្ញាក់ផ្អើលនិងប្តឹងសមត្ថកិច្ចសុំការអន្តរាគមន៍។
ជនសង្ស័យឈ្មោះហុីម រតនា ភេទប្រុសអាយុ២០ឆ្នាំ មុខរបរមិនពិតប្រាកដស្នាក់នៅម្តុំផ្លូវរថភ្លើងបឹងកក់ សង្កាត់ស្រះចក ខណ្ឌដូនពេញ។
តាមប្រភពព័ត៌មានពីជនរងគ្រោះឈ្មោះលីសារិទ្ធ បានឱ្យដឹងថា រូបគេនឹងជនសង្ស័យធ្លាប់ស្គាល់គ្នា កាលពីយប់ថ្ងៃទី៩ខែកក្កដា ឆ្នាំ២០២១ ពួកគេបានជិះម៉ូតូnex2 មួយគ្រឿងពណ៌ស ពាក់ស្លាកលេខភ្នំពេញ1HT- 9212 ដេីរលេងជាមួយគ្នា ។
ជនរងគ្រោះបន្តថា បន្ទាប់មកក៏នាំគ្នាចូលទៅដេកក្នុងផ្ទះសំណាក់មួយកន្លែងម្តុំផ្លូវភ្លោះអូឬស្សីសង្កាត់បឹងព្រលិត ខណ្ឌ 7មករា ខណៈដែលរូបគាត់ដេកលក់បាត់ជនសង្ស័យ(មិត្តភ័ក្ដិ)បានលួចយកម៉ូតូគេចខ្លួនបាត់។
រហូតមកដល់យប់ថ្ងៃទី២៨ ខែកក្កដា ឆ្នាំ២០២១ ជនរងគ្រោះបានប្រទះឃេីញជនសង្ស័យនៅម្តុំផ្សារដេប៉ូរួចធ្វេីការឃាត់ខ្លួនតែម្តង ហេីយបាននាំជនសង្ស័យទៅចង្អុលបង្ហាញទីតាំងកន្លែងដែលយកម៉ូតូទៅលក់។
បេីតាមសម្តីជនសង្ស័យបានឱ្យដឹងថា ម៉ូតូដែលខ្លួនលួចបាន យកទៅលក់នៅហាងបញ្ចាំមួយកន្លែងតាមបណ្ដោយផ្លូវ២៤៧ សង្កាត់ទឹកល្អក់ទី៣ ខណ្ឌទួលគោក បានតម្លៃ១៥០ ដុល្លារ។
បច្ចុប្បន្នជនសង្ស័យត្រូវបានសមត្ថកិច្ចកំពុងធ្វើការសួរនាំនៅប៉ុស្តិ៍នគរបាលរដ្ឋបាលទឹកល្អក់៣ រួចបានទំនាក់ទំនងទៅសមត្ថកិច្ចខណ្ឌ 7 មករាឲ្យមកយកជនសង្ស័យដើម្បីទៅចាត់ការទៅតាមនីតិវិធីច្បាប់បន្ត ៕
