បុរស២នាក់ជិះម៉ូតូក្នុងល្បឿនលឿនជាន់ហ្រ្វាំងខ្លាចបុកគោឆ្លងផ្លូវបណ្ដាលឱ្យដួលត្រូវរថយន្តមកពីក្រោយកិនបែកប្រអប់ជើងនឹងម្នាក់ទៀងរងរបួសដៃធ្ងន់ធ្ងរ

ភ្នំពេញ៖)បុរស២នាក់ជិះម៉ូតូឌុបគ្នាធ្វើដំណើរតាមបណ្ដោយមហាវិថីឈ្នះឈ្នះក្នុងល្បឿងលឿនហើយជ្រុលទៅបុកជាមួយនឹងសត្វគោដែលកំពុងតែដើរឆ្លងផ្លូវបណ្ដាលឱ្យដួល ត្រូវបានរថយន្តធុនធំម៉ាកយីឌុបបើកមកពីក្រោយក្នុងល្បឿនលឿនដែរនោះហើយបានគេចពីសត្វគោដូចគ្នាក៏ស្រាប់តែរេចង្កូតមកកិនចំប្រអប់ជើងបែកខ្ទេចលានឆ្អឹងចេញមកខាងក្រៅនឹងបុរសម្នាក់ទៀតបានរងរបួសដៃយ៉ាងធ្ងន់ធ្ងរត្រូវបានរថយន្តសាមុយដឹកយកទៅសង្គ្រោះបន្ទាន់នៅឯមន្ទីរពេទ្យ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៣នឹង១៥នាទីរសៀល ថ្ងៃទី២៣ ខែសីហា ឆ្នាំ២០២១ ស្ថិតតាមបណ្ដោយមហាវិថីឈ្នះឈ្នះ ក្នុងសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលហេតុការណ៍គ្រោះថ្នាក់នេះកើតឡើងគេបានឃើញបុរស២នាក់ជិះម៉ូតូម៉ាកនិចពណ៌ខ្មៅមួយគ្រឿងពាក់ស្លាកលេខភ្នំពេញ1GX-4347 ជិះធ្វើដំណើរតាមបណ្ដោយមហាវិថីឈ្នះឈ្នះក្នុងទិសដៅពីកើតទៅលិច ខណៈពេលមកដល់ត្រង់ចំណុចកើតហេតុខាងលើក៏បានជ្រុលទៅបុកជាមួយនិងហ្វូងសត្វគោដែលទឹកកំពុងតែដើរឆ្លងផ្លូវបណ្តាលឲ្យដួល ស្រាប់តែរថយន្តធន់ធំម៉ាកយីឌុបពណ៌ត្រីអ៊ុីមួយគ្រឿងពាក់ស្លាកលេខខេមរភូមិន្ទ០2 3-8379 បើកស្របទិសដៅគ្នាមកពីក្រោយកិនចំប្រអប់ជើងបុរសម្នាក់ខាងឆ្វេងបែកខ្ទេចលានឆ្អឹងចេញមកខាងក្រៅ និងម្នាក់ទៀតរងរបួសដៃយ៉ាងធ្ងន់ធ្ងរ ចំណែករថយន្តបង្កក៏បានព្យាយាមបើករត់តែត្រូវបានប្រជាពលរដ្ឋចេញតាមឃាត់បានទាំងតៃកុងនឹងរថយន្តយកមកប្រគល់ទៅឲ្យសមត្ថកិច្ច។

ក្រោយកើតហេតុសមត្ថកិច្ចមូលដ្ឋានក៏បានចុះមកដល់ធ្វើការវាស់វែងរួចរាល់ក៏បានយកតៃកុងនិងរថយន្តបង្ករួមជាមួយនិងម៉ូតូជនរងគ្រោះទៅរក្សាទុកនៅឯអធិការដ្ធាននគរបាល ខណ្ឌជ្រោយចង្វារង់ចាំធ្វើការដោះស្រាយគ្នានៅពេលក្រោយ។រក្សាសិទ្ធិ៖)ដោយវុត្ថា