(រាជធានីភ្នំពេញ៖) បុរសជនជាតិចិនម្នាក់បើករថយន្តក្នុងល្បឿនលឿនមិនប្រយ័ត្នបណ្ដាលឲ្យហោះទៅបុកជាមួយនឹងរបាំងថ្មពុះចែកទ្រូងផ្លូវ រងការខូចខាតយ៉ាងដំណំ សំណាងល្អអ្នកបើកបររួចផុតពីសេចក្ដីស្លា ប់ ។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៦នឹង១៥នាទីព្រឹក ថ្ងៃទី២៤ ខែសីហា ឆ្នាំ២០២១នេះ ត្រង់ចំណុចនឹងស្ពានអាកាសក្បាលថ្នល់ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
យោងតាមប្រភពព័ត៌មានដែលក្រុមការងារយើងទទួលបានពីប្រជាពលរដ្ឋបានឲ្យដឹងថានៅមុនពេលហេតុការណ៍គ្រោះថ្នាក់ចរាចរណ៍នេះបានកើតឡើង គេបានឃើញ បុរសជនជាតិចិនម្នាក់រួមដំណើរជាមួយនឹងមិត្តភក្កិម្នាក់ទៀតបើករថយន្តម៉ាក Rang Rover ពណ៌ខ្មៅមួយគ្រឿងពាក់ស្លាកលេខភ្នំពេញ2BH-1117 បើកធ្វើដំណើរតាមបណ្ដោយផ្លូវព្រះនរោត្តម ក្នុងទិសដៅពីជើងទៅត្បូង ខណៈពេលមកដល់ត្រង់នឹងចំណុចកើតហេតុខាងលើក៏បានរេចង្កូតទៅបុកទៅបុកនឹងរបាំងថ្មពុះចែកទ្រូងផ្លូវជាប់នឹងគល់ស្ពានអាកាសពេញទំហឹងបណ្ដាលឱ្យរថយន្ដរងការខូចខាតយ៉ាងដំណំ តែសំណាងល្អមិនបង្ករឲ្យម្ចាស់រថយន្តនិងអ្នកធ្វើដំណើររងការគ្រោះថ្នាក់នោះទេ រីឯអ្នកបើកបរបង្ករត្រូវបានសមត្ថកិច្ចដាក់គោលដៅនៅទីនោះធ្វើការឃាត់បានភ្លាមៗ បន្ទាប់ពីហេតុការណ៍នេះបានកើតឡើង។
ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ដើម្បីត្រួតពិនិត្យមើលរួចរាល់ក៏បានទាក់ទងទៅផ្នែកជំនាញនៃការិយាល័យចរាចរណ៍ផ្លូវគោករាជធានីភ្នំពេញឱ្យចុះមកធ្វើការវាស់វែងនឹងយកតៃកុងរួមជាមួយរថយន្តបង្កទៅរក្សាទុករង់ចាំដោះស្រាយគ្នានៅពេលក្រោយ។រក្សាសិទ្ធ៖)ដោយវុត្ថា
