(រាជធានីភ្នំពេញ) ៖ រថយន្តចំនួន២គ្រឿង ម៉ូតូ៥គ្រឿង និងមាន់គកមួយក្បាលបន្ទាប់ពីកម្លាំងចម្រុះរាប់សិបនាក់ ចុះបង្ក្រាបទីតាំងបញ្ជល់មាន់ បៀរអាប៉ោងមួយខណះមនុស្សរត់បាត់អស់ចាប់គ្មានបានអីមួយនាក់
ប្រតិបត្តិការ ចាប់បានតែវត្ថុតាងនេះធ្វេីឡើងនៅវេលាម៉ោង១រសៀល ថ្ងៃទី២៤ ខែសីហា ឆ្នាំ២០២១ នៅចំណុចវាលស្រែ ភូមិបាគូរ សង្កាត់ដង្កោ ខណ្ឌដង្កោ រាជធានីភ្នំពេញ។
កម្លាំងចម្រុះរបស់ខណ្ឌដង្កោ ចុះទៅដល់ផ្អើលអស់អ្នកញៀនល្បែងទាំងនោះរត់បាតជើងស ព្រាតដូចវាយស្មៅបង្អើលពស់ បន្សល់ទុករថយន្តចំនួន២គ្រឿង( Ford Ranger ពណ៌ស ពាក់ស្លាកលេខភ្នំពេញ 2BF-8779 និង Toyota Prius ពណ៌ខៀវ ពាក់ស្លាកលេខភ្នំពេញ 2BD-4775 ) ម៉ូតូចំនួន៥គ្រឿង និងមាន់គក១ក្បាល ។
ក្រោយពីបញ្ចប់ប្រតិបត្តិការណ៍នេះរួចរាល់ កម្លាំងគណៈបញ្ចាការឯកភាពខណ្ឌដង្កោ បានធ្វេីការដឹកបញ្ចូនវត្ថុតាងមករក្សាទុកនៅប៉ុស្ដិ៍នគរបាលរដ្ឋបាលដង្កោ ដេីម្បីបន្តអនុវត្តន៍តាមនីតិវិធី ៕
