បុរសម្នាក់ស្រវឹងជោកជាំបើករថយន្តឆ្លងផ្លូវត្រូវរថយន្តបែនបុកពេញទំហឹងបណ្ដាលឲ្យរងការខូចខាតយ៉ាងដំណំ

(រាធានីភ្នំពេញ៖) បុរសម្នាក់ស្រវឹងធ្លាក់ភ្នែកបើករថយន្តឆ្លងផ្លូវមិនប្រយ័ត្នត្រូវបានរថយន្តបែនដឹកដីបុកពេញទំហឹងបណ្ដាលឲ្យរងការខូចខាតយ៉ាងដំណំតែសំណាងល្អអ្នកបើកបរមិនមានរងការគ្រោះថ្នាក់នោះទេ ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង២២.៣៥នាទីយប់ ថ្ងៃទី២៤ ខែសីហា ឆ្នាំ២០២១ ស្ថិតបណ្ដោយផ្លូវហាណូយ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ ។

យោងតាមប្រភពព័ត៌មាននៅកន្លែងកើតហេតុបានឲ្យដឹងថានៅមុនពេលហេតុការណ៍នេះបានកើតឡើងគេបានឃើញបុរសម្នាក់បើករថយន្តបែនដឹកដីក្បាលពណ៌សមួយគ្រឿងពាក់ស្លាកលេខភ្នំពេញ3F-3464 បើកធ្វើដំណើរតាមបណ្ដោយផ្លូវហាណូយ ខណៈពេលនោះក៏ស្រាប់តែមានបុរសម្នាក់ស្រវឹងស្រាជោកជាំបើករថយន្តម៉ាកឆារឺលែតពណ៌ខ្មៅមួយគ្រឿងពាក់ស្លាកលេខភ្នំពេញ2I-7887 បើកបរក្នុងស្ថានភាពស្រវឹងជោកជាំឆ្លងកាត់ផ្លូវមិនប្រយ័ត្នទើបបណ្ដាលឲ្យរថយន្តបែនដឹកដីមួយគ្រឿងបុកពេញទំហឹងបណ្ដាលឲ្យរងការខូចខាតយ៉ាងដំណំតែសំណាងល្អអ្នកបើកបរបានរួចផុតពីគ្រោះថ្នាក់ ហើយក៏បានចុះពីលើរថយន្តរបស់ខ្លួនប្រើសំដីក្អេងក្អាងកោងកាច់ប្រម៉ាត់កាត់ទានមុខលើអ្នកសារព័ត៌មានដែលបានចុះទៅផ្ដិតយករូបភាពនឹងធ្វើការផ្សាយផ្ទាល់ នៃករណីគ្រោះថ្នាក់ចរាចរណ៍មួយនេះ ហើយថែមទាំងប្រើសម្ដីអត្ថរសមកលើសមត្ថកិច្ចថែមទៀតផងដែរ មិនដឹងថាខ្លួនឯងខុសនោះទេ ឬមួយក៏បុរសរូបនេះអាងខ្សែអ្នកធំណាម្នាក់នៅពីក្រោយខ្នង ឬមួយក៏អាងយកទឹកលុយរបស់ខ្លួនមកគ្រប់ដណ្ដប់លើគេ ខ្ញុំគិតថាអ្នកធ្វើខុសនឹងច្បាប់នោះគឺអ្នកត្រូវតែទទួលខុសត្រូវមិនគួរយកទង្វើបែបនេះមកប្រើប្រាស់ក្នុងសង្គមជាតិយើងនោះទេ។

ក្រោយកើតហេតុសមត្ថកិច្ចមូលដ្ឋានក៏បានត្រួតពិនិត្យមើលរួចរាល់ទើបធ្វើការវាស់វែងនឹងយកតៃសម្ដីពាលម្នាក់នេះរួមជាមួយនឹងរថយន្តទាំងពីរគ្រឿងយកទៅរក្សាទុកនៅឯអធិការដ្ធាននគរបាលចរាចរណ៍ ខណ្ឌសែនសុខដើម្បីដោះស្រាយគ្នាទៅចាំនិតិវិធី។រក្សាសិទ្ធិ៖)ដោយវុត្ថា