ភ្នំពេញ៖) ស្ត្រីរងគ្រោះម្នាក់បានជិះម៉ូតូចេញមកពីរូបខ្ញុំអាហារនិងរង្វង់មូលខាំខូស៊ីធីពេលត្រឡប់មកវិញត្រូវបានជនសង្ស័យនឹងបក្ខពួកធ្វើសកម្មភាពឆក់យកកាបូបរួចជិះម៉ូតូគេចខ្លួនបាត់ស្រមោល បណ្ដាលឱ្យជនរងគ្រោះដួលរងរបួសរលាត់ដៃជើង ។
ហេតុការណ៍នេះ បង្កឱ្យមានការភ្ញាក់ផ្អើលទាំងយប់កាលពីវេលាម៉ោង១០នឹង៤៥នាទី ថ្ងៃទី២៥ ខែសីហា ឆ្នាំ២០២១នេះ តាមបណ្ដោយផ្លូវឧកញ៉ាម៉ុងរិទ្ធី ទល់មុខនឹងបូរីជិបម៉ុង ស្ថិតក្នុងសង្កាត់ទួលសង្កែទី០២ ខណ្ឌឬស្សីកែវ រាជធានីភ្នំពេញ។
ជនរងគ្រោះមាន ឈ្មោះ ស្រីនិត ភេទស្រី ត្រូវបានជនសង្ស័យឆក់កាបូបនឹងទូរសព្ទដៃចំនួនមួយគ្រឿងរួមជាមួយនឹងលុយមួយម៉ឺនរៀលដែលមាននៅក្នុងកាបូបរួមទាំងសម្ភារៈផ្សេងៗខ្លះទៀតនោះផងដែរ។
យោងតាមប្រភពព័ត៌មានដែលក្រុមការងារយើងទទួលបានពីស្រ្តីរងគ្រោះរាបរាប់ប្រាប់ឲ្យដឹងថា នៅមុនពេលកើតហេតុរូបគាត់បានជិះម៉ូតូម៉ាកស្កុបពីពណ៌ស មួយគ្រឿងពាក់ស្លាកលេខភ្នំពេញ1FF-2467 ចេញមកពីរកញ៉ាំអីនៅម្ដុំខាំខូស៊ីធី រួចក៏បានជិះម៉ូតូធ្វើដំណើរតាមបណ្ដោយផ្លូវលោកឧកញ៉ាម៉ុងរិទ្ធី ខណៈពេលមកដល់ត្រង់ចំណុចទល់មុខនឹងបុរីជីបម៉ុងម្នាក់ឯង ក៏ស្រាប់តែលេចមុខជនសង្ស័យរួមជាមួយនិងបក្ខពួករបស់គេ ជិះម៉ូតូម៉ាក់ឌ្រីមសងពណ៌ខ្មៅ មិនចាំស្លាកលេខជិះមកអែបក្បែរហើយក៏បានធ្វើសកម្មភាពឆក់យកកាបូបដៃរបស់នាងបានសម្រេចតែម្ដង ហើយក៍ព្យាយាមជិះរត់គេចខ្លួនបាត់ស្រមោលបន្សល់ទុកនៅតែជនរងគ្រោះជាមួយនឹងម៉ូតូដួលរលាត់ដៃនឹងជើង តែម្នាក់ឯង។
សូមបញ្ជាក់ថានៅក្នុងកាបូបដែលជនសង្ស័យបានឆក់យកទៅនោះរួមមានទូរសព្ទដៃម៉ាកសេវែនផ្លើសមួយគ្រឿងនិងលុយមួយម៉ឺនរៀលលុយខ្មែរ ។
ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ដើម្បីពិនិត្យមើលរួចរាល់ជនរងគ្រោះរួមជាមួយនឹងម៉ូតូមកកាន់ប៉ុស្តិ៍នគរបាលរដ្ធបាលសង្កាត់ទួលសង្កែទី០២ដាក់ពាក្យបណ្ដឹងដើម្បីស្វែងរកចាប់ខ្លួនជនសង្ស័យរួមនឹងបក្ខពួកយកមកផ្ដន្ទាទោសទៅតាមផ្លូវច្បាប់។ រក្សាសិទ្ធិ៖)ដោយវុត្ថាឲ
