នាយឧត្ដមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិ នៅថ្ងៃទី០១ ខែវិច្ឆិកា ឆ្នាំ២០២១នេះ បានបញ្ជាឲ្យសមត្ថកិច្ចស្ទូចយករថយន្ដ Mercedes ស៊េរីទំនើប មួយគ្រឿង ដែលពាក់ស្លាកលេខនគរបាលក្លែងក្លាយ និងដាក់ LOGO ប៉ូលីស ដើម្បីចាត់វិធានការតាមផ្លូវច្បាប់

រាជធានីភ្នំពេញ៖  រថយន្ដ Mercedes ស៊េរីទំនើប ដែលពាក់ស្លាកលេខក្លែងក្លាយ

ន.ប2-1449 ដោយមានការបំពាក់សារ៉ែន និងដាក់LOGO ប៉ូលីស
ត្រូវបានគេឃើញចត នៅមុខអាគារអូឡាំព្យា ក្នុងទឹកដីខណ្ឌ៧មករា
នាព្រឹកថ្ងៃទី០១ ខែវិច្ឆិកា ឆ្នាំ២០២១នេះ។

នាយឧត្ដមសេនីយ៍សន្ដិបណ្ឌិត នេត សាវឿន បញ្ជាក់ប្រាប់បណ្ដាញ
ព័ត៌មានបានបញ្ជាក់យ៉ាងដូច្នេះថា «ក្រោយពីទទួលបានព័ត៌មានភ្លាម
ខ្ញុំបានបញ្ជាឱ្យសមត្ថកិច្ចស្ទូចយកទៅរក្សាទុក នៅការិយាល័យ
ចរាចរណ៍ផ្លូវគោក ដើម្បីចាត់វិធានការតាមផ្លូវច្បាប់»៕