ខេត្តរតនគីរី÷ យោងតាមប្រភពព័ត៌មានពីប្រជាពលរដ្ឋរស់នៅភូមិទុយឃុំទីងចាក់ ស្រុកបរកែវ ខេត្តរតនគិរី បានឲ្យដឹងថា នៅក្នុងមូលដ្ឋានរបស់ពួកគាត់មានគេបើកសង្វៀនបញ្ជល់មាន់ វង់អាប៉ោង និងយូគី យ៉ាងពេញបន្ទុកដោយមានអ្នកចូលរួមលេងល្បែងយ៉ាងពពាក់ពពូន ដោយគ្មានការទប់ស្កាត់ពីមន្ត្រីអាជ្ញាធរ និងសមត្ថកិច្ចមូលដ្ឋានមិនមានវិធានទប់ស្កាត់ឡើយ។
មេល្បែងស៊ីសងដែលល្បីឈ្មោះ ពិន តន ហៅ តាតន, អាចបើកល្បែងស៊ីសងខុសច្បាប់គ្រប់ប្រភេទតាមអំពើចិត្ត។ ចំណែកលោក ហេង មុនី អភិបាលស្រុកបរកែវ និងលោក ជួប វណ្ណារ័ក្ស អធិការនគរបាលស្រុកបរកែវ ហេតុអ្វីបានជាបណ្តែតបណ្តោយឲ្យបុគ្គលឈ្មោះ ពិន តន, បើកលេងល្បែងស៊ីសងខុសច្បាប់បំផ្លាញសន្តិសុខសង្គមដោយមិនខ្វល់ពីការរិះគន់អ្វីទាំងអស់។
ប្រភពដដែលបានឲ្យដឹងទៀតថា សង្វៀនបញ្ជល់មាន់ វង់អាប៉ោង យូគី នៅភូមិទុយឃុំទីងចាក់ ស្រុកបរកែវ ខេត្តរតនគិរី កំពុងបើកដំណើរការលេងយ៉ាងរលូនដោយគ្មានសមត្ថកិច្ចណាហ៊ានបង្ក្រាបនៅឡើយទេ ប្រជាពលរដ្ឋសង្ស័យថា បើគ្មានការបើកដៃពីសំណាក់មន្ត្រីអាជ្ញាធរ និងសមត្ថកិច្ចថ្នាក់ឃុំ ថ្នាក់ស្រុកគឺបុគ្គលឈ្មោះ ពិន តន, មិនអាចបើកល្បែងស៊ីសងខុសច្បាប់បានឡើយ ហើយត្រូវប្រឈមនឹងការបង្ក្រាបជាមិនខាន។
ប្រជាពលរដ្ឋបានសំណួមពរ ឯកឧត្តម ញ៉ែម សំអឿន អភិបាលខេត្តនឹងឯកឧត្តម យិន ចំណាន ស្នងការនគរបាលខេត្តរតនគិរី មិនគួរបណ្តែតបណ្តោយឲ្យបនល្បែងសុីសងទាំងនេះកើតឡើងយ៉ាងពេញទំហឹងនៅដែនដីរបស់ខ្លួនដែលគ្រប់គ្រងនោះទេជាពិសេនៅស្រុកបរកែវនេះឯងសូមមានវិធានការបង្ក្រាបផងទាន ដេីម្បីធានាឲ្យបាននូវភូមិឃុំមានសុវត្តិភាពទាំង៩ចំណុច។
បើតាមប្រភពស្និទ្ធនឹងមេល្បែងស៊ីសងឈ្មោះ ពិន តន, បានបង្ហើបឲ្យដឹងថា មានមន្ត្រីអាជ្ញាធរ និងសមត្ថកិច្ចមួយចំនួនក្នុងខេត្តរតនគិរី និងស្រុកបរកែវ ទទួលបានផលប្រយោជន៍ពីបុគ្គលមេល្បែងឈ្មោះពិន តននេះ ទើបពួកគេអាចបើកបនល្បែងស៊ីសងបានយ៉ាងសុខស្រួល។
ជាក់ស្តែងបច្ចុប្បន្ននេះមេល្បែងស៊ីសង បានបើកសង្វៀនបញ្ជល់មាន់ វង់អាប៉ោង យូគី នៅភូមិទុយឃុំទីងចាក់ ស្រុកបរកែវ ខេត្តរតនគីរីយ៉ាងពេញទំហឹង ហើយលោក ហេង មុនី អភិបាលស្រុកបរកែវ នឹងលោក ជួប វណ្ណារ័ក្ស អធិការនគរបាលស្រុកបរកែវ បែរជាសម្ងំស្ងាត់ឈឹង មិនចាត់វិធានការទប់ស្កាត់អ្វីឡើយ។
ចំពោះកាចោទប្រកាន់របស់ប្រជាពលរដ្ឋ អង្គភាពសារព័ត៌មានCRN News យេីងខ្ញុំមិនអាចសុំការបកស្រាយបំភ្លឺទៅអាជ្ញាធរពាក់ពន្ធ័បាននៅឡេីយទេ អង្គភាពយេីងខ្ញុំរង់ចាំធ្វេីការបកស្រាយបំភ្លឺរៀងរាល់ម៉ោងធ្វេីការ៕ពូឃ្លោក
