ភ្នំពេញ÷យុវជនម្នាក់បានស្លាប់ភ្លាមៗក្នុងហេតុការណ៍គ្រោះថ្នាក់ចរាចរណ៍កាលពីវេលាម៉ោង ៣ និង ៣០ នាទីរសៀលថ្ងៃទី ១៧ ខែមិនាឆ្នាំ ២០២០ នៅតាមបណ្ដោយផ្លូវជាតិលេខ ៣ ទល់មុខនិងសាលាសុវណ្ណភូមិស្ថិតក្នុងភូមិព្រៃព្រីងខាងត្បូងសង្កាត់ចោមចៅទី ៣ ខណ្ឌពោធិ៍សែនជ័យ រាជធានីភ្នំពេញ
មុនពេលកើតហេតុតាមសាក្សីដែលបានឃើញហេតុការណ៍បានបញ្ជាក់ថាយុវជនរងគ្រោះបានធ្វើដំណើរតាមរយៈម៉ូតូ today ពណ៌ត្រួយចេកមួយគ្រឿងដែលពាក់ស្លាកលេខ ភ្នំពេញ 1HK 0339 បានឆ្លងផ្លូវហើយត្រូវបានរថយន្តហ៊ីយ៉ាន់ដាយមួយគ្រឿងបេីកវ៉ាជែងគ្នាបណ្ដាលឲ្យបុកម៉ូតូជនរងគ្រោះស្លាប់ភ្លាមៗនៅនឹងកន្លែងកើតហេតុ។
បើទោះបីជារថយន្តសង្គ្រោះបន្ទាន់របស់ ៧១១ចេញ មកសង្គ្រោះយ៉ាងយកចិត្តទុកដាក់ក៏ដោយក៏មិនអាចសង្គ្រោះយុវជនរងគ្រោះបានដែរដោយសារស្ថានភាពអ្នករបួសធ្ងន់ធ្ងរពេកបានស្លាប់បាត់បង់អាយុជីវិតនៅនឹងកន្លែងកើតហេតុបាត់ទៅហេីយ។
ចំណែករថយន្តបង្កត្រូវបានសមត្ថកិច្ចគោលដៅរង្វង់មូលចមចៅធ្វើការឃាត់បានតែម្ដង
បើតាមអ្នកឃើញហេតុការណ៍បានបន្ថែមទៀតថាមិនទាន់មានសាច់ញាតិជនរងគ្រោះមកដល់កន្លែងកើតហេតុនៅឡើយទេ
គាត់បានបន្ថែមទៀតថាជនរងគ្រោះមិនដឹងថាស្នាក់នៅឯណាឬមានឈ្មោះអ្វីដែរ
ក្រោយពេលកើតហេតុសមត្ថកិច្ចមូលដ្ឋានបានមកដល់និងបានទំនាក់ទំនងទៅកាន់ការិយាល័យចរាចរជើងគោកនៃស្នងការដ្ឋាននគរបាលរាជធានីភ្នំពេញ
ដើម្បីយករថយន្តបង្ករនិងម៉ូតូជនរងគ្រោះទៅកាន់ការិយាល័យរង់ចាំធ្វើការដោះស្រាយទៅតាមនីតិវិធីនៃច្បាប់ផងដែរ៕#crnnews
