ភ្នំពេញ÷ តាមរយៈកាមេរ៉ាសុវត្ថិភាពបានបង្ហាញមុខជនដៃដល់ដែលបានចាក់សម្លាប់សន្តិសុខដែលយាមនៅធនាគារភ្នំពេញពាណិជ្ជ ppc bank ដែលស្ថិតនៅតាមបណ្ដោយផ្លូវព្រះមុនីរ៉េតក្នុងសង្កាត់ទួលស្វាយព្រៃទី 2 ខណ្ឌបឹងកេងកងរាជធានីភ្នំពេញនាព្រឹកថ្ងៃទី 19 ខែមិនាឆ្នាំ 2020 សមត្ថកិច្ចបានអះអាងថាជនរងគ្រោះឈ្មោះ ប៊ុន ចំរើន ភេទប្រុសអាយុ 46 ឆ្នាំមានមុខរបរជាសន្តិសុខឯកជនដែលមានទីលំនៅក្នុងសង្កាត់ស្ទឹងមានជ័យទី 2 ខណ្ឌមានជ័យ រាជធានីភ្នំពេញមានប្រពន្ធនិងកូនៗចំនួន 6 នាក់តាមប្រភពព័ត៌មានពីប្រជាពលរដ្ឋនៅជិតកន្លែងកើតហេតុបានឲ្យដឹងថាជនរងគ្រោះគឺជាសន្តិសុខឯកជនដែលមកធ្វើការនៅធនាគារនៅកន្លែងកើតហេតុទើបបានជាង 1 ខែជាងប៉ុណ្ណោះនិងតែងតែឃើញមានមិត្តភ័ក្រឧស្សាហ៍មកលេងនិងផឹកស៊ីដល់យប់ជ្រៅលុះដល់ពិតថ្ងៃទី 19 ខែមីនាឆ្នាំ 2020 ក៏ស្រាប់តែមានការភ្ញាក់ផ្អើលឆោឡោឡើងនៅខាងមុខធនាគារភ្នំពេញពាណិជ្ជនឹងបានឃើញជនរងគ្រោះដេកស្លាប់នៅក្នុងថ្លុកឈាមថែមទាំងមានស្នាមកាំបិតចាក់ចំដើមទ្រូង។ករណីឃាតកម្មនេះសមត្ថកិច្ចមូលដ្ឋានមិនទាន់បានបញ្ជាក់ថាករណីគំនុំឬចំលោះអ្វីនៅឡើយទេដោយសមត្ថកិច្ចជំនាញកំពុងតែស្រាវជ្រាវបន្តក្រោយពីកើតហេតុកម្លាំងសមត្ថកិច្ចភផ្នែកកោសល្យវិច័យបានយកសពទៅធ្វើកោសល្យវិច័យនៅវត្តស្ទឹងមានជ័យនិងប្រគល់សាកសពជូនក្រុមគ្រួសារដើម្បីធ្វើបុណ្យតាមប្រពៃណីជឿជាក់ថាឃាតករមិនអាចគេចខ្លួនពីសំណាញ់ច្បាប់បានឡេីយ៕
