ភ្នំពេញ៖ ស្រ្តីជនជាតិខ្មែរម្នាក់ ដែលរស់នៅសហរដ្ឋអាមេរិក បានទទួលមរណភាពដោយសារតែជំងឺកូវីដ-១៩។ នេះបើយោងតាមការបង្ហោះនៅលើគេហទំព័រហ្វេសប៊ុកផ្លូវការរបស់ PNN News នៅថ្ងៃទី ២៣ ខែ មីនា ឆ្នាំ ២០២០។
ស្រ្តីខាងលើមានឈ្មោះថា នុត ឈុនហ៊ាង អាយុ ៦៥ឆ្នាំ រស់នៅទីក្រុង Seattle រដ្ឋ Washington។ នៅមុនពេលទទួលអនិច្ចកម្មអ្នកស្រី បានព្យាបាលជំងឺនៅក្នុងមន្ទីរពេទ្យមួយកន្លែងអស់រយៈពេលជាងបីសប្ដាហ៍ ហើយដោយសារតែស្ថានភាពជំងឺកាន់តែតែវិវឌ្ឍន៍ទៅមុខ លុះដល់ថ្ងៃទី ២២ ខែ មីនា ម្សិលមិញនេះ អ្នកស្រីក៏បានលាចាកលោកតែម្ដង។
ជុំវិញរឿងរ៉ាវដ៏សោកសៅនេះ លោកឧកញ៉ា សុង សារ៉ន ដែលត្រូវជាកូន ហើយលោកថែមទាំងហៅជំងឺនេះថាជា «សត្រូវលាក់មុខ»។ ទន្ទឹមគ្នានេះដែរ ភរិយាលោក សុង សារ៉ន បានឲ្យដឹងថា ក្រុមគ្រូពេទ្យនៅសហរដ្ឋអាមេរិកមានចិត្ដធម៌ណាស់ ដោយនៅនាទីចុងក្រោយ គ្រូពេទ្យបានរៀបចំឲ្យក្រុមគ្រួសារនៅស្រុកខ្មែរអាចមើលឃើញអ្នកជំងឺជាលើកចុងក្រោយ និងបានឲ្យអ្នកជំងឺទទួលព្រះធម៌តាមរយៈទូរសព្ទ ដែលស្មូតចេញពីទីក្រុងភ្នំពេញ។
ជាចុងក្រោយយើងខ្ញុំសូមចូលរួមរំលែកទុក្ខដ៏ក្រៀមក្រំនេះ ជាមួយក្រុមគ្រួសារលោក សុង សារ៉ន ចំពោះការបាត់បង់អ្នកម្ដាយជាទីស្រលាញ់ ដែលបានទទួលមរណភាពដោយសារតែជំងឺកូវីដ-១៩៕ប្រភពពី÷Pnn
