(ភ្នំពេញ)៖ហេតុការណ៍នេះបានកើតឡើងនៅវេលាម៉ោង
ជាង១១យប់ថ្ងៃទី០៥ខែសីហាឆ្នាំ២០១៩ដែលមានទីតាំងស្ថិតនៅក្នុងភូមិព្រៃសាលា សង្កាត់កាកាបទី២ខណ្ឌពោធិ៍សែន
ជ័យក្រុងភ្នំពេញ។
សពនារីរងគ្រោះឈ្មោះ នុយ វណ្ណារី អាយុ២៣ឆ្នាំ មានមុខរបរជាស្រី្តមេផ្ទះ មានទីលំនៅស្នាក់នៅផ្ទះជួលមួយកន្លែងស្ថិតក្នុងភូមិព្រៃសាលា សង្កាត់កាកាបទី២ខណ្ឌពោធិ៍សែនជ័យក្រុងភ្នំពេញ។
ជនបង្កឈ្មោះ ផង់ សំណាង មានអាយុ២៣ឆ្នាំ មានមុខរបរជាអ្នករត់ម៉ូតូឌុប បច្ចុប្បន្នស្នាក់នៅជាមួយស្រី្តរងគ្រោះ។
ប្រភពពត៌មានពីជនបង្កបានសារភាពថាខ្លួនតែងតែប្រច័ណ្ឌប្រពន្ធខ្លាំងហើយតែងតែរករឿងឈ្លោះជាប្រពន្ធស្ទើររាល់ថ្ងៃលុះមកដល់ថ្ងៃកើតហេតុបុរសដែលជាប្ដីទើបតែមកពីផឹកស្រាទើបតែមកដល់ផ្ទះ ក៏រករឿងឈ្លោះប្រកែកគ្នាដោយសារតែភ្លើងប្រច័ណ្ឌរហូតបណ្ដាលឲ្យបុរសជាប្ដីបានស្ទុះទៅវាយប្រពន្ធរបស់ខ្លួនចំនួន២ដៃចំគុំថ្គាមនិងក្ដោងច្រមុះ បណ្ដាលឲ្យស្លាប់ភ្លាមៗនៅនិងកន្លែងយ៉ាងអាណោចអាធ័ម។ បន្ទាប់ពីវាយរួចជនបង្កបានរត់ឆោឡោហៅបងប្អូនដើម្បីឲ្យមកជួយសង្រ្គោះតែនារីរងគ្រោះបានដាច់ខ្យល់ស្លាប់បាត់បង់ជីវិតបាត់ទៅហើយ។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់រួច ធ្វើការទាក់ទងទៅសមត្ថកិច្ចជំនាញកោសល្យវិច្ច័យដើម្បីចុះមកធ្វើការត្រួតពិនិត្យសាកសពនិងធ្វើកំណត់ហេតុដេីម្បីប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី។ ដោយឡែកជនបង្កត្រូវបានសមត្ថកិច្ចធ្វើការឃាត់ខ្លួនយកទៅធ្វើការសាកសួរនាំនៅប៉ុស្តិ៍នគរបាលកាកាបទី២ដេីម្បីកសាងសំណុំរឿងនិងផ្ដន្ទាទោសទៅតាមផ្លូវច្បាប់ផងដែរ៕
