ភ្នំពេញ: ជនសង្ស័យដែលត្រូវជាឪពុកបង្កើតរបស់កុមារីអាយុ១៤ឆ្នាំដែលសមត្ថកិច្ចប៉ុស្ដិ៍ស្ទឹងមានជ័យទី២ចាប់យកមកឃុំខ្លួនក្នុងករណីរំលោភសេពសន្ទវៈនោះ បានសម្រេចចិត្តចង ក សម្លាប់ខ្លួននៅក្នុងបន្ទប់ឃុំខ្លួន នៅក្នុងប៉ុស្តិ៍នគរបាលស្ទឹងមានជ័យទី២បង្ករអោយមាន
ការភ្ញាក់ផ្អើលកាលពីវេលាម៉ោង៧ព្រឹកថ្ងៃទី១៤ខែមេសាឆ្នាំ២០២០
ស្ថិតនៅភូមិដំណាក់ធំ សង្កាត់ស្ទឹងមានជ័យ២ ខណ្ខមានជ័យ រាជធានីភ្នំពេញ។
គួររំលឹកផងដែរថាជនសង្ស័យខាងលើត្រូវបានសមត្ថកិច្ចប៉ុស្តិ៍នគរបាលរដ្ឋបាលស្ទឹងមានជ័យទី២ធ្វើការឃាត់ខ្លួននៅថ្ងៃទី១២ខែមេសាឆ្នាំ២០២០តាមពាក្យបណ្តឹងរបស់ប្រធានអង្គការស្គុតដែលកូនស្រីបង្កើតរបស់ជនសង្ស័យបានរៀបរាប់ប្រាប់បុគ្គលិករបស់អង្គការស្កុតថាឪពុករបស់ខ្លួនបានចាប់រំលោភនាងបានសម្រេច២ដងមកហើយ។
ក្រោយពេលសមត្ថកិច្ចបានឃាត់ខ្លួនជនសង្ស័យយកមកសាកសួរតាមចម្លើយរបស់ឪពុកតិរិច្ឆានខាងលើបានសារភាពថារូបគេពិតជាបានធ្វើសកម្មភាពចាប់រំលោភកូនស្រីរបស់ខ្លួនពិតប្រាកដមែន។
បន្ទាប់ពីជនសង្ស័យបានសារភាពចម្លើយរួចរាល់សមត្ថកិច្ចក៏បានកសាងសុំណុំរឿងចាត់ការទៅតាមនិតិវិធីនយ័ច្បាប់។
ក្រោយពីពិនិត្យសពជនសង្ស័យខាងលើនេះរួចមក សមត្ថកិច្ចជំនាញបានបញ្ជាក់ឲ្យដឹងថាសពជនសង្ស័យខាងលើនេះពិតជាបានធ្វើអត្តឃាតសម្លាប់ខ្លួនឯងពិតប្រាកដមែន។
គួរបញ្ជាក់ផងដែរថាសមត្ថកិច្ចនគរបាលប៉ុស្តិ៍ស្ទឹងមានជ័យទី២ដូចជាមានការធ្វេសប្រហែសដែលបណ្តែតបណ្តោយអោយមានករណី សម្លាប់ខ្លួននៅក្នុងបន្ទប់ឃុំខ្លួនរបៀបនេះសោះពិតជាកំហុសធ្ងន់ធ្ងរណាស់សំរាប់លោក ណេងសាមឿននាយប៉ុស្តិ៍នគរបាលសង្កាត់ស្ទឹងមានជយ័ទី២។
ក្រោយពីសម្ថកិច្ចជំនាញចក្ខុត្រូតពិនិត្យកោសល្យវិច័យរួចរាល់ហេីយ
សាកសពជនសង្ស័យត្រូវបានសមត្ថកិច្ចបានប្រគល់ជូនក្រុមគ្រួសារសាច់ញាតិយកទៅធ្វើបុណ្យតាមប្រពៃណីនៅវត្តឬស្សីសាញ់ស្ថិតក្នុងសង្កាត់ព្រៃសខណ្ឌដង្កោរាជធានីភ្នំពេញ៕
ពូឃ្លោក
