បុរសជាសន្តិសុខផ្សារទំនេីបអូឡាំព្យាលេីសឈាមដួលផ្ងារក្រោយស្លាប់ភ្លាមៗពេលកំពុងឈរតម្រង់ជួរក្នុងផ្សារ។

÷ បុរសម្នាក់ដែលស្គាល់ថាជាសន្តិសុខផ្សារទំនេីបអូឡាំព្យាបានដួលស្លាប់ភ្លាមៗពេលកំពុងប្រជុំជួរនៅក្នុងទំនេីបអូឡាំព្យាដែលមានទីតាំងស្ថិតនៅក្នុងសង្កាត់វាលវង់ ខណ្ឌ ៧មករា រាជធានីភ្នំពេញ ហេតុការនេះកេីតឡេីងកាលពីវេលាម៉ោង៨នឹង៣០ព្រឹកថ្ងៃទី១៧ខែមេសាឆ្នាំ២០២០

ក្រោយពេលកេីតហេតុត្រូវបានខាងតំណាងផ្សារទំនេីបទំនាក់ទំនងទៅអាជ្ញាធរមូលដ្ឋានដេីម្បីចុះមកមេីល សមត្ថកិច្ចមូលដ្ឋានក៏រាយការណ៍ទៅកាន់ផ្នែកចក្ខុកោសល្យវិច័យដេីម្បីធ្វេីការត្រួតពិនិត្យ

ក្រោយពេលដែលប៉ូលីសជំនាញមកដល់ក៏លេីកសពដឹកចេញភ្លាមៗទៅតំកល់ទុក្ខនៅវត្តសង្ក្រានតាព្រហ្ម ហៅវត្តស្ទឹងមានជយ័ បេីតាមលោកវេជ្ជបណ្ឌិត នងសុវណ្ណរត្ន័ បានបញ្ជាក់ថាជនរងគ្រោះពិតជាស្លាប់ដោយសារជំងឺលេីសឈាមពិតប្រាកដមែន។

ជនរងគ្រោះមានឈ្មោះ ណំ សុីថា ភេទប្រុសអាយុ៤៤ឆ្នាំមានកូន២នាក់ស្រីមួយ ប្រុសមួយនៅក្នុងបន្ទុកសពថ្ងៃស្នាក់នៅភូមិទ្រាក្នុងសង្កាត់ស្ទឹងមានជយ័១ ខណ្ឌមានជយ័ រាជធានីភ្នំពេញរាល់ថ្ងៃជាបុគ្គលិកសន្តិសុខយាមនៅផ្សារទំនេីបអូឡាំព្យា
មានស្រុកកំណេីតស្ថិតនៅភូមិអន្លង់ស ឃុំរំលេច ស្រុកសុីធកណ្តាល ខេត្តព្រៃវែង

បេីតាមស្ត្រីជាប្រពន្ធជនរងគ្រោះបានលេីកឡេីងថាប្តីរបស់គាត់មានជំងឺលេីសឈាមពីបីឆ្នាំមកហេីយគាត់តែងតែលេបថ្នាំលេីសឈាមជាប្រចាំ
តែមួយរយះពេលចុងក្រោយនេះគាត់(ជនរងគ្រោះ)មិនបានលេបថ្នាំលេីសឈាមនោះទេទេីបសម្ពាធឈាមរបស់គាត់បុកឡេីងបណ្តាលអោយដួលដាច់ផ្ងាមកក្រោយពេលកំពុងធ្វេីការស្លាប់ភ្លាមៗតែម្តងទៅ។

ក្រោយពេលដែលសម្ថកិច្ចធ្វេីការពិនិត្យរួចរាល់ក៏បានប្រគល់សពអោយក្រុមគ្រួសារយកទៅធ្វេីបុណ្យតាមប្រពៃណីនៅឯស្រុកកំណេីតខេត្តព្រៃវែង៕ ពូឃ្លោក