ភ្នំពេញ៖ ភ្ញាក់ផ្អើលនេះបានកើតនៅពីម៉ោង២និង៣០នាទីរំលងអធ្រាត្រ ឈានចូលថ្ងៃទី៨ ខែសីហា ឆ្នាំ២០១៩ នៅមុខខុនដូ លេខ6 និង ខុនដូលេខខ9 ផ្លូវលេខ៣១២ ភូមិ5 ក្រុម២៨ ស្ថិតក្នុងសង្កាត់ទន្លេបាសាក់ ខណ្ឌចំការមន ។
ហេតុការណ៍ភ្ញាក់ផ្អើលមួយបានកើតឡើង បន្ទាប់ពីមានលឺស្នូរផ្ទុះគ្រាប់បានបន្លឺឡើងយ៉ាងខ្លាំង ទាំងកណ្តាលរាត្រីសង្ស័យករណីបំផ្ទុះគ្រាប់បែក បណ្តាលឲ្យរថយន្តហាឡែនឌ័រ មួយគ្រឿង ពណ៌ស្ក ពាក់ស្លាកលេខ ភ្នំពេញ 2N:6597 រងការខូចខាតមួយចំហៀងខាងឆ្វេង និងជញ្ជាំងខុនដូដែលនៅក្បែរនោះ ក៏រងការខូចខាតដូចគ្នា ។
មុនពេលកើតហេតុ គឺរូបគាត់កំពុងដេកយាម លង់លក់ជាប់ច្រកទ្វារខុនដូខាងក្នុងរបង លុះដល់ម៉ោងកើតហេតុស្រាប់តែមានលឺសំឡេងផ្ទុះគ្រាប់នៅលើផ្លូវមុខនឹងខុន លាន់ស្នូរដូចរន្ទះភ្លាមៗគាត់ភ្ញាក់ព្រើត ស្មានតែផ្ទុះកង់ឡាន ពេលនោះគាត់ចេញមកមើលឃើញមានតែផ្សែង និងភ្លើងកំពុងឆេះនៅលើផ្លូវ ក៏រាយការណ៍ប្រាប់សមត្ថកិច្ចភ្លាមៗ ។
បន្ទាប់ពីទទួលព័ត៌មានកម្លាំងជំនាញបានចុះមកដល់កន្លែងកើតហេតុភ្លាមៗ បន្ទាប់ពីធ្វើកោសល្យវិច័យនៅកន្លែងកើតហេតុរកឃើញមាន អំបែងគ្រាប់ ក៏ដាក់ការសន្និដ្ឋានថា ជាករណីបំផ្ទុះគ្រាប់បែក ។ សមត្ថកិច្ចកិច្ចដែលពាក់ព័ន្ធ មិនកំណត់បានថា ជាហេតុការណ៍អ្វីឲ្យប្រាកដនៅឡើយទេ កំពុងស្រាវជ្រាវយ៉ាងល្អិតល្អន់ កំណត់រកមុខសញ្ញាជនបង្ក មកចាត់ការតាមនីតិវិធី ៕
