រាជធានីភ្នំពេញ ៖ ជនសង្ស័យ២នាក់ ត្រូវបានកម្លាំង នគរបាលប៉ុស្តិ៍ចាក់អង្រែលើ ឃាត់ខ្លួន ក្រោយយកដង្កាប់គាស់ស្រយ៉ូវទ្វារផ្ទះយកម៉ូតូនិងកង់របស់ប្រជាពលរដ្ឋ ។
ការចាប់ឃាត់ខ្លួននេះបានធ្វើឡើងកាលពីវេលាម៉ោង៤ទៀបភ្លឺ ថ្ងៃទី៧ ខែមិថុនា ឆ្នាំ២០២០ នៅចំណុចផ្ទះលេខ ២១ ផ្លូវលំ ភូមិ ព្រែកតាគង់៣ សង្កាត់ចាក់អង្រែលើ ខណ្ឌ មានជ័យ រាជធានីភ្នំពេញ ។
ជនសង្ស័យទី១ឈ្មោះ នូ សុខខែ ភេទ ប្រុស អាយុ ១៨ ឆ្នាំ ជនជាតិខ្មែរ ទីលំនៅផ្ទះលេខ២១ ផ្លូវលំ ភូមិព្រែកតាគង់៣ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ (ឃាត់ខ្លួនមានផ្ទុកសារធាតុញៀន) ។
២-ជនសង្ស័យឈ្មោះ សុខ ហៀប ភេទ ប្រុស អាយុ ៣០ ឆ្នាំ ជនជាតិ ខ្មែរ ទីលំនៅផ្ទះលេខ២១ ផ្លូវលំ ភូមិព្រែកតាគង់៣ សង្កាត់ចាក់អង្រែលើ ខណ្ឌ មានជ័យ រាជធានីភ្នំពេញ មុខរបរ មិនពិតប្រាកដ (ឃាត់ខ្លួន មានផ្ទុកសារធាតុញៀន)។
ចំណែកជនរងគ្រោះឈ្មោះ ស៊ិន សាណា ភេទ ប្រុស អាយុ ៤០ ឆ្នាំ ជនជាតិ ខ្មែរ ទីលំនៅផ្ទះលេខ២១ ផ្លូវលំ ភូមិព្រែកតាគង់៣ សង្កាត់ ចាក់អង្រែលើ ខណ្ឌមានជ័យ រាជធានីភ្នំពេញ មុខរបរ រត់ម៉ូតូសណ្តោងរ៉ឺម៉ក ។
វត្ថុតាងចាប់យក ៖ ម៉ូតូ០១គ្រឿងម៉ាកហុងដាសេ១២៥ ពណ៍ខ្មៅ លេខតួ+ម៉ាស៊ីន 9786059 ពាក់ស្លាកលេខ ភ្នំពេញ 1GH 0247 (ជារបស់ជនរងគ្រោះ) និង រណាអាដែកដងជ័រពណ៍ខៀវចំនួន០១ដើម,ដង្កាប់ចំនួន០១ដើម និងដែកចុងស្រួចចំនួន០១ ។
ចំណែកសម្ភារៈជនរងគ្រោះដែលបាត់បង់ ៖ កង់តួស្រី ពណ៍ខ្មៅ ចំនួន ០១គ្រឿង ។
មុនពេលកើតហេតុ ជនរងគ្រោះឈ្មោះ ស៊ិន សាណា បានយកម៉ូតូ០១គ្រឿងម៉ាកហុងដាសេ១២៥ ពណ៍ខ្មៅ លេខតួ+ម៉ាស៊ីន 9786059 ពាក់ស្លាកលេខ ភ្នំពេញ 1GH 0247 មានសណ្តោងកន្ទុយរ៉ឺម៉ក និង កង់តួស្រី ពណ៍ខ្មៅ ចំនួន០១គ្រឿង ទុកនៅក្នុងផ្ទះលេខ ២១ ផ្លូវលំ ភូមិ ព្រែកតាគង់៣ សង្កាត់ ចាក់អង្រែលើ ខណ្ឌ មានជ័យ រាជធានីភ្នំពេញ
រួចចាក់សោរទ្វារផ្ទះ ទៅសម្រាកនៅផ្ទះមួយផ្សេងទៀតដែលក្បែរគ្នា លុះមកដល់វេលាម៉ោង០៥ម៉០០នាទីទៀបភ្លឺថ្ងៃទី ០៧ ខែ មិថុនា ឆ្នាំ ២០២០ ជនរងគ្រោះឈ្មោះ ស៊ិន សាណា បានដើរមកយកម៉ូតូសណ្តោងរ៉ឺម៉ក ដើម្បីចេញដឹកភ្ញៀវ ស្រាប់តែឃើញទ្វារផ្ទះមានស្នាមគាស់ស្រយ៉ូវ ពេលចូលទៅមើលទ្រព្យសម្បត្តិក្នុងផ្ទះឃើញបាត់ម៉ូតូ០១គ្រឿងម៉ាកហុងដាសេ១២៥
ពណ៍ខ្មៅ ពាក់ស្លាកលេខ ភ្នំពេញ 1GH 0247 (នៅសល់តែកន្ទុយរ៉ឺម៉ក) និង កង់តួស្រីពណ៍ខ្មៅចំនួន០១គ្រឿង ក៏បានមកដាក់ពាក្យបណ្តឹងនៅស្នាក់ការនគរបាលប៉ុស្តិ៍ចាក់អង្រែលើឲ្យជួយស្រាវជ្រាវ។
បន្ទាប់មកកម្លាំងនគរបាលប៉ុស្តិ៍ចាក់អង្រែលើបានចុះទៅពិនិត្យកន្លែងកើតហេតុធ្វើការស្រាវជ្រាវ រហូតដល់វេលាម៉ោង១១ម៉០០នាទី ថ្ងៃទី០៧ ខែមិថុនា ឆ្នាំ២០២០ ទើបឃាត់ខ្លួនជនសង្ស័យម្នាក់ឈ្មោះ នូ សុខខែ និងចាប់យកវត្ថុតាង ៖ ម៉ូតូ០១គ្រឿងម៉ាកហុងដាសេ១២៥ ពណ៍ខ្មៅ លេខតួ+ម៉ាស៊ីន 9786059 ពាក់ស្លាកលេខ ភ្នំពេញ 1GH 0247 (ជារបស់ជនរងគ្រោះឈ្មោះ ស៊ិន សាណា ដែលបាត់) យកមកសាកសួរនៅស្នាក់ការនគរបាលប៉ុស្តិ៍ចាក់អង្រែលើ ។
បន្ទាប់ពីសាកសួរជនសង្ស័យឈ្មោះ នូ សុខខែ បានឆ្លើយសារភាពថា រូបគេពិតជាបានធ្វើសកម្មភាពយកដង្កាប់គាស់ស្រយ៉ូវទ្វារផ្ទះជនរងគ្រោះឈ្មោះ ស៊ិន សាណា ចូលលួចយកម៉ូតូ០១គ្រឿង និង កង់ចំនួន ០១គ្រឿង កាលពីវេលាម៉ោង០៤ម៉០០នាទីទៀបភ្លឺថ្ងៃទី ០៧ ខែ មិថុនា ឆ្នាំ ២០២០ ដោយកង់តួស្រី ពណ៍ខ្មៅ រូបគេជិះយកលាក់ទុកនៅដីវាល ភូមិ ព្រែកតាគង់៣ សង្កាត់ ចាក់អង្រែលើ ខណ្ឌមានជ័យ (បាត់រកមិនឃើញ) ។
ចំណែកម៉ូតូម៉ាកហុងដាសេ១២៥ ពណ៍ខ្មៅ លេខតួ+ម៉ាស៊ីន 9786059 ពាក់ស្លាកលេខ ភ្នំពេញ 1GH 0247 បណ្តើរយកទៅឲ្យបក្ខពួកម្នាក់ទៀតឈ្មោះ សុខ ហៀប ស្នាក់នៅភូមិ ព្រែកតាគង់៣ សង្កាត់ ចាក់អង្រែលើ (ផ្ទះក្បែរគ្នា) ជួយតផ្តាច់ខ្សែកុងតាក់ម៉ូតូដើម្បីបញ្ឆេះជិះយកទៅលាក់ទុកផ្ទះរបស់ខ្លួនដើម្បីទុកលក់ចែកលុយគ្នាចាយ ខណៈនោះកម្លាំងនគរបាលប៉ុស្តិ៍ចាក់អង្រែលើបានចុះទៅផ្ទះជនសង្ស័យឈ្មោះ សុខ ហៀប ឃាត់ខ្លួនយកមកសាកសួរនៅស្នាក់ការនគរបាលប៉ុស្តិ៍ចាក់អង្រែលើ ចាត់ការតាមនីតិវិធីតែម្តង ។
បច្ចុប្បន្នជនសង្ស័យទាំង២នាក់ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធីច្បាប់បន្តទៀត៕crnnew
