ក្រុងតាខ្មៅ÷ កាលពីថ្ងៃទី ៥ ខែ មិថុនា ឆ្នាំ ២០២០ មានគណនីហ្វេសប៊ុកមួយ ដែលមានឈ្មោះ Jing Jing បានសរសេរនៅលើគណនីផ្ទាល់ខ្លួនដោយបាននិយាយថាៈ មកដល់ថ្ងៃទី ៦.៦.២០២០នេះមានរយះពេល៤ខែហើយដែលអាចោរវាគាស់ផ្ទះនាងខ្ញុំដែលរស់នៅភូមិបត្តាជី១សង្កាត់ព្រែកហូរ ក្រុងតាខ្មៅ ខេត្តកណ្តាល បានដាក់បណ្តឹងទៅ ប៉ុស្តិមកដល់ពេលនេះស្ងាត់សូន្យមិនដឹងថាអស់លោកនៅ ថ្នាក់មូលដ្ឋាន ប៉ុស្តិព្រែកហូរ ភូមិបត្តាជី និងធ្វើការ បំរើបំរើរាស្រ្តឬក៏ដេកលក់អស់ទេ ឬមួយក៏ជនរងគ្រោះខ្ញុំមិនបាននិយាយជូនសាគុណបានជាស្ងាត់បែបនេះ ខ្ញុំរស់នៅក្នុងភូមិ ឃុំគ្មានសុវត្ថិភាពបែបនេះរហូតមែនទេ នៅក្នុងភូមិខ្ញុំមានក្មេងជក់ថ្នាំក្បែរផ្ទះក៏មាន នៅពីក្រោយក៏មាន បានរាយការណ៏ទៅប៉ុស្តិមូលដ្ឋានក៏នៅតែដដែល ធ្វើគ ថ្លង់ មើលមិនឃើញបែបនេះ តើអោយប្រជាជនស្លូតត្រង់រស់នៅក្នុងភូមិទទួល បានសន្តិសុខ គ្មានចោរកម្មបានទេ ? ខ្ញុំអស់ទំនុកចិត្តទៅសម្ថតកិច្ចមូលដ្ឋានទៀតហើយ មានតែបងប្អូនទាំងអស់គ្នាជួយស៊ែម្នាក់មួយផង ដើម្បីឆាប់ចាប់អាចោរបានដោយមានលេខម៉ូតូក្នុងរូបនាងខ្ញុំសូមអរគុណ បងប្អូន ។
-សូមជំម្រាបថាៈ ក្រោយពីទទួលបណ្តឹងពីឈ្មោះ នៅ ចំរើន ភេទប្រុស អាយុ ៥១ ឆ្នាំ ជនជាតិខ្មែរ មានអាស័យដ្ឋាន ភូមិបត្តាជី១ សង្កាត់ព្រែកហូរ ក្រុងតាខ្មៅ ខេត្តកណ្តាល កម្លាំងជំនាញ សហការជាមួយកម្លាំងប៉ុស្តិ៍រដ្ឋបាលព្រែកហូរ បានចុះទៅទីតាំងកន្លែងកើតហេតុ ប្រមែប្រមូលវត្ថុតាងដើម្បីស្រាវជ្រាវ កំណត់អត្តសញ្ញណមុខសញ្ញាទោះបីជាលទ្ធផលនៃការស្រាវជ្រាវទទួលលទ្ធផលវិជ្ជមានក៏ដោយក៏កម្លាំងយើងនៅតែបន្តការស្រាវជ្រាវលើករណីនេះ ។
-ចំណុចមួយទៀតទាក់ទងនិងការលើកឡើងថាមិនបានជូនសាគុណបានស្ងាត់បែបនេះ សូមបំភ្លឺថា រាល់ការផ្តល់និងបម្រើសេវាជូនប្រជាពលរដ្ឋយើងមិនមានការកំណត់តម្លៃឡើយលើកលែងតែករណីណាដែលច្បាប់អនុញ្ញាត ។
-សូមមេត្តាអធ្យាស្រ័យរាល់ករណីដែលជំនាញកំពុងធ្វើ យើងខ្ញុំពុំអាចផ្តល់ព័ត៌មានលម្អិតជូនបានទេ៕
