រាជធានីភ្នំពេញ ៖ ទីតាំងហ្គេមបាញ់ត្រី មួយកន្លែងនៅជិតគល់ស្ពានឱកាសក្បាលថ្នល់ផ្លូវជាតិលេខ២ ក្នុងភូមិព្រែកតាគង់ សង្កាត់ចាក់អង្រែលើខណ្ឌមានជ័យ កំពុងបេីកលេងយ៉ាងគគ្រឹកគគ្រេងមិនថាយប់ ឬថ្ងៃមានទាំងក្មេងៗ ចូលលេង ពពាក់ពពូន សមត្ថកិច្ចមិនបង្ក្រាប ខណៈដែលក្រុមញៀនល្បែងមកពីគ្រប់ទិសទីមកចូលលេង យ៉ាងរលូនដោយមិនមានសមត្ថកិច្ចខាងណាបង្ក្រាបឡេីយ។
ប្រភពពីប្រជាពលរដ្ឋមានការងឿងឆ្ងល់ថាតួនាទីរបស់សម្ថកិច្ចបង្ក្រាបរាល់ល្បែងសុីសងគ្រប់ប្រភេទអំពេីលួចឆក់ប្លន់នឹងល្មេីសផ្សេងទៀត។ល។
ប៉ុន្តែហេតុអ្វីបានជាប៉ុស្តិ៍នគរបាលចាក់អង្រែលេីមិនមានវិធានការបង្ក្រាបទុកឲ្យទីតាំងបទល្មេីសនេះដំណេីរលេងយ៉ាងរលូនដូច្នេះ?
តាមប្រភពពីប្រជាពលរដ្ឋ បានបង្ហេីបអោយដឹងថា ទីតាំងខាងលេីនេះសំបូរទៅដោយក្មេងៗចូលលេងពពាក់ពពូនគ្នាមិនថាថ្ងៃ ឬយប់ឡើយ សង្ស័យទីតាំងខាងលើមានខ្នងធំហេីយមើលទៅ ទេីបសមត្ថកិច្ចមិនហ៊ានបង្ក្រាប ទុកឲ្យក្រុមញៀនល្បែងសុីសងលេងបែបនេះ?
សូមបញ្ជាក់ថា កាលពីពេលកន្លងទៅ ឯកឧត្ដម ឃួង ស្រេង អភិបាលរាជធានីភ្នំពេញ បានដាក់ចេញនូវគោលការណ៍ និងវិធានការក្ដៅលើការបង្ក្រាបបទល្មើសនានា និងបង្ក្រាបល្បែងស៊ីសង់គ្រប់ប្រភេទទាំងអស់នៅទូរទាំង១៤ខណ្ឌ ក្នុងរាជធានីភ្នំពេញ។ ដើម្បីឱ្យប្រជាពលរដ្ឋរស់នៅទទួលបានភាពកក់ក្តៅ និងកាត់បន្ថយអំពើខុសច្បាប់ផ្សេងៗ
ការដាក់ចេញនូវវិធានការក្តៅចំពោះការបង្ក្រាបបទល្មើសនេះ បានធ្វើឡើងក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ ដោយមានការចូលរួមពីអាជ្ញាធរដែនដី និងសមត្ថកិច្ចពាក់ព័ន្ធទាំង១៤ខណ្ឌ។តែផ្ទុយទៅវិញលោក កែវ ពេជ្រមុនី អភិបាលខណ្ឌមានជ័យ និងលោកវរសេនីយ៍ឯកម៉េង វិមានតារា អធិការខណ្ឌមានជ័យ មិនយកចិត្តទុកដាក់ តាមបញ្ជារបស់អភិបាលរាជធានីឡើយ៕ ពូឃ្លោក
