រាជធានីភ្នំពេញ÷ កាលពីវេលាម៉ោង ៦ និង ១៥ ព្រឹកថ្ងៃទី ៦ខែកក្កដាឆ្នាំ ២០២០ នៅចំណុចស្តុបផ្សារថ្នល់បត់ក្នុងភូមិខ្វារ សង្កាត់ដង្កោ ខណ្ឌដង្កោរាជធានីភ្នំពេញ
មានករណីគ្រោះថ្នាក់ចរាចរណ៍រវាងរថយន្តហ៊ីយ៉ាន់ដាយពាក់ស្លាកលេខ ភ្នំពេញ 3E. 4273 ជាមួយនឹងម៉ូតូឌ្រីមសង់ពណ៌ខ្មៅពាក់ស្លាកលេខភ្នំពេញ 1DH.3064 បណ្ដាលឲ្យស្ត្រីម្នាក់ស្លាប់បាត់បង់អាយុជីវិតនៅនឹងកន្លែងកើតហេតុហេតុ
បើតាមសមត្ថកិច្ចជំនាញចរាចរណ៍អធិការដ្ឋាននគរបាលខណ្ឌដង្កោបានបញ្ជាក់ថាមុនពេលកើតហេតុគេឃើញស្ត្រីម្នាក់មានឈ្មោះម៉ែនចន្ធួអាយុ ៣៦ ឆ្នាំ ភេទស្រី ស្នាក់នៅភូមិបុរីកម្មករសង្កាត់ជេីងឯក ខណ្ឌដង្កោ មុខរបរកម្មកររោងចក្របានធ្វើដំណើរពីត្បូងមកជើងតាមបណ្ដោយផ្លូវ ២១៧ លុះមកដល់ចំណុចស្តុបផ្សារថ្នល់បត់ បានឈប់រង់ចាំស្តុបពេលនោះក៏មានរថយន្តហ៊ីយ៉ាន់ដាយពាក់ស្លាកលេខភ្នំពេញ 3E. 4273 ធ្វើដំណើរមកពីក្រោយក៏បុកស្ត្រីរងគ្រោះបណ្ដាលឲ្យស្លាប់បាត់បង់អាយុជីវិតនៅនឹងកន្លែងកើតហេតុម្តង
ចំណែកអ្នកបេីកបរថយន្តបង្ករ ឈ្មោះស៊ុនសុងភេទប្រុស អាយុ ៣៧ ឆ្នាំមុខរបរបើកបររថយន្តមានទីលំនៅ ភូមិធ្នង់ ឃុំស្វាយធំ ស្រុកស្វាយជ្រំខេត្តស្វាយរៀង (ជនបង្ករឃាត់ខ្លួន)
ក្រោយពេលកើតហេតុសមត្ថកិច្ចជំនាញនៃអធិការដ្ឋាននគរបាលខណ្ឌដង្កោបានចុះមកដល់កន្លែងកើតហេតុបានរាយការណ៍ទៅសមត្ថកិច្ចជំនាញការិយាល័យចរាចរណ៍ជើងគោកនៃស្នងការដ្ឋាននគរបាល រាជធានីភ្នំពេញ ចុះមកវាស់វែងដើម្បីធ្វើការចាត់ការតាមនីតិវិធីច្បាប់
ចំណែកសពស្ត្រីរងគ្រោះត្រូវបានប្រគល់ទៅឱ្យសាច់ញាតិយកទៅធ្វើបុណ្យតាមប្រពៃណី៕
#ពូឃ្លោក
