ក្រុងសៀមរាប៖ នៅថ្ងៃទី១៨ ខែកក្កដា ឆ្នាំ ២០២០ វេលាម៉ោង ០៨:០០នាទី ប៉ុស្ដិ៍នគរបាលរដ្ឋបាលស្វាយដង្គុំបានទទួលព័ត៌មានថា អែម បញ្ញា ប្រុសអាយុ 28 ឆ្នាំ ជាមនុស្សវិកលចរិក មានទីលំនៅស្ថិតនៅភូមិវិហារចិន សង្កាត់ ស្វាយដង្គំ ក្រុងសៀមរាប ខេត្តសៀមរាប បានធ្វើសកម្មភាពយកកាំប៊ិតផ្គាក់ភ្ជង់នឹងគំរាមអាករសម្លាប់មីងបង្កើត ឈ្មោះ អែម ចន្ទ័សូឡី ភេទស្រីអាយុ 47 ឆ្នាំចំនុចក្រុមទី១ភូមិវិហារចិន សង្កាត់ស្វាយដង្គំក្រុងសៀមរាបខេត្តក្នុងពេលនោះកំលាំងប៉ុស្តិ៍ក៍បានទៅអន្តរាគមតែត្រូវបានជនសង្ស័យដេញកាប់ថែមទៀតនិងកាប់ម៉ូតូរបបសមត្ថកិច្ចខូចអស់មួយគ្រឿង។
ហើយសមត្ថកិច្ចយើងបាន រំដោះជនរងគ្រោះ ជាម្ដាយមីង បានដោយសុវត្ថិភាព ឈ្មោះឯមចាន់សូលី អាយុ 47 ឆ្នាំ រស់នៅ កន្លែងកើតហេតុ ។ហើយឈ្មោះ អែម បញ្ញាបានបន្តសកម្មភាពយកផ្គាក់ដេញកាប់ឡានតាមដងផ្លូវ រហូតដល់ចំណុច ផ្លូវបំបែកចូលផ្សារក្រោមភូមិ វិហារចិន សង្កាត់ ស្វាយដង្គំ ក្រុងសៀមរាបខេត្តសៀមរាប អែម បញ្ញា បានកាប់ឡានមួយគ្រឿងប្រភេទ Morning ពណ៌ក្រហម ចំនួនពីរកាំបិតបណ្ដាលឲបែកកញ្ចក់ឡានខាងមុខ ហើយម្ចាស់ឡានក៏បានរត់ចោលឡានបាត់។
ជនសង្ស័យខាងលើក៏បានបន្តសកម្មភាពដើររហូតដល់ម៉ោង៨.៣០នាទីចំណុចកន្លែងកាត់សក់ក៏បានឃើញឡានម៉ាក Mazda ពណ៌សពាក់ផ្លាកលេខភ្នំពេញ 2BG-4431 បានយកផ្គាក់កាប់មកលើកញ្ចក់ឡានចំនួនមួយកាំបិតបណ្ដាលឱ្យបែកកញ្ចក់ឡានខាងមុខហើយគំរាមម្ចាស់ឡានឲ្យចុះពីលើឡានរួចក៏យកឡានរបស់ជនរងគ្រោះឈ្មោះ ស៊ុន ចិនស្រឿន ភេទប្រុស អាយុ៣៨ឆ្នាំ មុខរបរលក់ដូរ មានទីលំនៅបច្ចុប្បន្ននៅភូមិថ្មី សង្កាត់ស្វាយដង្គំ ក្រុង_ខេត្តសៀមរាប ជនសង្ស័យបានឡើងបើករថយន្តជិះចេញទៅទឹសខាងកើតបាត់ កម្លាំងយើងមួយក្រុមក៍បានតាមទៅ ភ្លាមនោះជនរងគ្រោះក៍បានមករាយការណ៍និងប្តឹងដល់ប៉ុស្តិ៍ ស្វាយដង្គុំផ្ទាល់។
បន្ទាប់ពីទទួលបណ្តឹងហើយកំលាំងប៉ុស្តិ៍ស្វាយដង្គំនិងកម្លាំងអធិការដ្ឋាននគរបាលក្រុង សហការជាមួយនឹងកម្លាំងនគរបាលការិយាល័យព្រហ្មទណ្ឌកម្រិតធ្ងន់ កម្លាំងប៉ុស្តិ៍នគរបាលរដ្ឋបាល អំពិលនឹង អធិកាដ្ឋាន នគរបាលស្រុកប្រាសាទបាគង តាមប្រម៉ាញ់រកលុះដល់វេលាម៉ោង១២និង៣០នាទី ថ្ងៃទីខែឆ្នាំដដែល តាមរកឃើញ ជនសង្ស័យឈ្មោះអែម បញ្ញា បានបើករថយន្តទៅផ្លុងទុកចោលនៅចំណុចភូមិថ្នល់បាក់ ឃុំអំពិល ស្រុកប្រាសាទបាគង ខេត្តសៀមរាប។
ជនសង្ស័យខាងលើបានរត់គេចខ្លួនបាត់ ដោយបន្សល់ទុកកាំប៊ិតផ្គាក់នៅក្នុងឡាន ហើយម្ចាស់ឡានក៏បានបញ្ជាក់ទៀតថា គាត់បានបាត់បង់ទ្រព្យសម្បត្តិនៅក្នុងឡានមានលុយជិត 7000$ (ប្រាំពីរពាន់ដុលា្លរ) , បាត់បង់ស្លាកលេខរថយន្តមុខក្រោយ ,ទូរស័ព្ទមួយគ្រឿងម៉ាក Oppo ពណ៌ខ្មៅដែលមានលេខទូរសព្ទ 092594580 និង កាតគ្រីម៉ូតូមួយសន្លឹ ម៉ាកហុងដាឌ្រីមសេc125 ពណ៌ខ្មៅស៊េរីឆ្នាំ 2014 មិនចាំស្លាកលេខនិងលេខតួ+លេខម៉ាស៊ីន។ បន្ទាប់មកទៀតសមត្ថកិច្ចយើងក៍បាន យករថយន្ត មកប្រគល់ឱ្យ ឲ្យម្ចាស់រថយន្ត ទៅធ្វើការថែរក្សាគ្រប់គ្រង។
គួរបញ្ចាក់ថា៖ ករណីនេះកម្លាំងយើងកំពុងស្រាវជ្រាវបន្តនឹងតាមចាប់ខ្លួនជនសង្ស័យដែលមានភិនភាគ: មានមាឌធំ កំពស់ប្រហែល១,៦៥ម៉ែត្រ ពាក់អាវយឺតដៃខ្លីពណ៌ខៀវ ស្លៀកខោខាវបោយជើងវែង ពណ៌ខៀវ ។ ស្ថានភាព ជនសង្ស័យ ប្រើប្រាស់ថ្នាំសរសៃប្រសាទរំលោះអារម្មណ៍ជាប្រចាំ ។
