ពោធិសែនជយ័៖ បុរសជាជនពិការម្នាក់និងជាកម្មករសំណង់ត្រូវបានគេប្រទះឃេីញលង់ទឹកស្លាប់ក្នុងត្រពាំងដែលគេជីកនៅខាងមុខម៉ុងខ្មោច បង្កការភ្ញាក់ផ្អេីល
កាលពីវេលាម៉ោង៣រសៀល ថ្ងៃទី២០ ខែកក្កដា ឆ្នាំ២០២០ នៅត្រពាំងមួយកន្លែងក្នុងភូមិខ្វែ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះដែលស្លាប់ឈ្មោះសេក ប៊ុនធន់ ភេទប្រុស អាយុ២៤ឆ្នាំ ជាជនពិការដៃ មុខរបរកម្មករសំណង់ ស្នាក់នៅផ្ទះជួលម្ដុំបុរីសែនមនោរម្យ សង្កាត់កន្ទោកខណ្ឌកំបូល មានស្រុកកំណើតនៅក្នុងភូមិធ្លក ឃុំចន្ត្រី ស្រុករមាសហែក ខេត្តស្វាយរៀង ។
តាមប្រភពព័ត៌មានពីកម្មករសំណង់ដូចគ្នាបានឲ្យដឹងថា នៅវេលាម៉ោង១១ ថ្ងៃខែដដែលខណះដល់ម៉ោងសម្រាកចេញពីធ្វេីការជនរងគ្រោះបានប្រាប់កម្មករដូចគ្នាថាទៅងូតទឹកបន្តិច ហេីយក៏ទៅបាត់រហូតទៅ។
ប្រភពដដែលបានបន្តថា ដោយមិនឃេីញជនរងគ្រោះមកវិញពួកគេក៏នាំគ្នាដេីររកគ្រប់ទីកន្លែងមិនឃេីញក៏ទៅរាវក្នុងត្រពាំងដែលគេជីកនៅខាងមុខម៉ុងខ្មោចដូនតាគេ ទេីបប្រទះឃេីញជនរងគ្រោះស្លាប់បាត់ទៅហេីយ។
ក្រោយកេីតហេតុសមត្ថកិច្ចបានចុះទៅពិនិត្យជាក់ស្តែងហេីយបានបញ្ជាក់ថាជនរងគ្រោះស្លាប់ដោយសារលង់ទឹកពិតប្រាកដមែន ទេីបប្រគល់សពជូនទៅក្រុមគ្រួសារយកទៅធ្វេីបុណ្យតាមប្រពៃណី៕
