ក្មេងប្រុសអាយុទេីបតែ៧ឆ្នាំឪពុកប្រេីអោយទៅចាំស្រូវពង្រោះជិះកង់តាមភ្លឺប្រឡាយរអិលធ្លាក់ទឹកស្លាប់ភ្លាមៗ

ខេត្តស្វាយរៀង÷ ក្មេងប្រុសម្នាក់អាយុ៧ឆ្នាំជិះកង់ធ្លាក់ចូលទឹកប្រឡាយលង់ស្លាប់យ៉ាងអាណោចអាធម័ ខណៈឪពុកប្រើឲ្យទៅចាំស្រែមើលស្រូវពង្រោះខ្លាចមានគោក្របីចុះស៊ីបំផ្លាញប៉ុន្តែជាអកុសលក្មេងប្រុសជិះកង់ធ្លាក់ចូលក្នុងទឹកប្រឡាយបណ្តាលឲ្យលង់ស្លាប់តែម្តងទៅ។

ករណីនេះកើតឡើងនៅវេលាម៉ោងប្រហែល៨និង០០នាទីព្រឹកថ្ងៃទី១១ សីហា ២០២០នៅចំណុចប្រឡាយទឹក ឯវាលស្រែចម្ងាយ៥០០ម៉ែត្រពីផ្ទះស្ថិតនៅភូមិ ត្រពាំងអំពឹល ឃុំ សំបួរ ស្រុក ស្វាយទាប ខេត្តស្វាយរៀង។

សមត្ថកិច្ចបានឲ្យដឹងថា៖កុមារារងគ្រោះឈ្មោះចាន់ រ៉ាដាយុទ្ធ អាយុ០៧ឆ្នាំ ភេទប្រុស រស់នៅភូមិត្រពាំងអំពិលឃុំសំបួរស្រុកស្វាយទាប (លង់ទឹកស្លាប់)។

ក្មរងប្រុសរងគ្រោះមានឪពុកឈ្មោះចាន់ ស៊ីណាតនិងម្តាយឈ្មោះស៊ឹម សារ៉ាត់ រស់នៅភូមិកើតហេតុខាងលើ។

សមត្ថកិច្ចបន្តថា មុនពេលកើតហេតុឪពុករបស់កុមារារងគ្រោះ បានប្រើអោយទៅចាំស្រូវពង្រោះ នៅឆ្ងាយពីផ្ទះចំងាយប្រហែល៥០០ម៉ែត្រ ដោយខ្លាចមានគេលែងគោ ក្របី ចូលស៊ីស្រូវក្នុងស្រែរបស់ខ្លួន ហើយពេលនោះកូនប្រុសក៏បានទៅចាំស្រូវ ដោយបានយកកង់ជិះតាមភ្លឺស្រែ ទៅមើលស្រូវ មិនដឹងយ៉ាងម៉េចពេលជិះកង់ដល់ភ្លឺប្រឡាយ រអឹលដួលទាំងកង់ទាំងមនុស្សធ្លាក់ចូលប្រឡាយជម្រៅជិត២ម៉ែត្រលិចក្បាលក្មេងបណ្តាលឲ្យលង់ស្លាប់តែម្តងដោយក្មេងប្រុសមិនចេះហែលទឹកទេ។

ចំណែកឪពុកបាត់កូនយូពេកមិនឃើញត្រឡប់មកផ្ទះវិញ ឪពុកក៏បានចេញទៅតាមរកលុះទៅដល់កន្លែងស្រូវពង្រោះពុំឃើញកូន ស្រាប់តែឃើញកង់ធ្លាក់នៅក្នុងទឹកប្រឡាយ ក៍មានការសង្ស័យបានចុះរាវរកកូនក្រែងកូនលង់ទឹក ពេលរាវរកកូនបានឃើញកូនលង់លេចក្នុងទឹកប្រឡាយតែជាអកុសកូនជាទីស្រឡាញ់បានស្លាប់បាត់ទៅហើយ។

បុរសជាឪពុកមានការសោកស្តាយនិងមានវិបដិសេរីជាខ្លាំងមិនគួរប្រើកូនតូចឲ្យមកចាំស្រែមើលស្រូវបែបនេះសោះ អោបសពកូនប្រុសយំសោកស្តាយគួរឲ្យសង្វេកពេកក្រៃ។

ក្រោយពីសមត្ថកិច្ចពិនិត្យសពរួចបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
#ពូឃ្លោក