រាជធានីភ្នំពេញ ៖ ថៅកែក្លឹបហាត់ប្រាណសុខភាព ផ្ទុះហិង្សាយកកាំបិតនិងកាំភ្លើងគំរាមវាយប្រពន្ធបណ្តាលឲ្យរបួសដៃ ត្រូវអាវុធហត្ថខណ្ឌមានជ័យចាប់ឃាត់ខ្លួន ។
ហេតុការណ៍នេះបានកើតឡើងកាលពីវេលាម៉ោង ៩និង៣០នាទី ថ្ងៃទី១ ខែកញ្ញា ឆ្នាំ២០២០ នៅចំណុច ក្លឹបហាត់ប្រាណសុខភាព ទីតាំងផ្ទះគ្មានលេខ ក្រុមទី១៧ ស្ថិតនៅភូមិឬស្សី៣ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
កម្លាំងអាវុធហត្ថខណ្ឌមានជ័យ បានឲ្យដឹងថា ជនបង្កជាប្តីដែលឃាត់ខ្លួន ឈ្មោះប៉ាវ ថុង ភេទប្រុស អាយុ៤៨ឆ្នាំ មុខរបរបើកក្លឹបហាត់ប្រាណ ស្នាក់នៅកន្លែងកើតហេតុ ។ ចំណែកជនរងគ្រោះជាប្រពន្ធឈ្មោះ ទុយ រាសី ភេទស្រី អាយុ២៨ឆ្នាំ មុខរបរមេផ្ទះ ស្នាក់នៅកន្លែងកើតហេតុ។
(រស់នៅជាមួយគ្នាមិនបានរៀបការមានកូន២នាក់) រងរបួស
ប្រអប់ដៃខាងឆ្វេងមុតកាំបិត ដោយសារប្ដីយកកាំបិតនិងកាំភ្លើងខ្លីមកគំរៀម។
តាមប្រភពព័ត៌មានបានអោយដឹងថា មន្ត្រីយោធានេះ កន្លងមកតែងតែបង្កបញ្ហាជម្លោះក្នុងគ្រួសារជាច្រេីនលេីកមកហេីយ ទេីបម្តងនេះដោយសារតែប្រពន្ធនឹងម្តាយទ្រាំមិនបានក៏សម្រេចប្តឹងអោយសមត្ថកិច្ចជំនាញជួយអន្តរាគមន៍ឃាត់ខ្លួនតែម្តងទៅ ។
ក្នុងនោះកម្លាំងធ្វើការដកហូតវត្ថុតាង ÷ កាំបិត មុតស្រួចចំនួន០១ដើម , អាវុធខ្លី ចំនួន០២ដើម ម៉ាករឡូ គ្មានគ្រាប់១ដើម និងអាវុធខ្លីមិនស្គាល់ម៉ាក១ដើម ,បង់១គ្រាប់ចំនួន០១គ្រាប់ , ទូរស័ព្ទដៃចំនួន០៣ គ្រឿង , នាឡិកាដៃចំនួន០១ គ្រឿង , លោហ:ធាតុ ពណ៌លឿងចំនួន០៤ខ្សែ
(ខ្សែដៃ) , លោហ:ធាតុ ពណ៌លឿងចំនួន០២វង់
(ចិញ្ចៀន) ,កាតធនាគារចំនួន០២ស្លឹក , អត្តសញ្ញាណប័ណ្ណចំនួន០២សន្លឹក , កាតគ្រីម៉ូតូចំនួន០១សន្លឹក , ត្បូងពណ៌ក្រហមចំនួន០១ គ្រាប់ , រថយន្តចំនួន០១គ្រឿង ម៉ាក កាមរីបាឡែន ពណ៌ឈាមជ្រូក សេរី២០០២
ស្លាកលេខ ភ្នំពេញ 2AI.4863 ។
បច្ចុប្បន្ន ជនសង្ស័យនិងវត្ថុតាងត្រូវបាន
បញ្ជូនខ្លួនមកមូលដ្ឋានអាវុធហត្ថខណ្ឌមានជ័យដើម្បីសាកសួរតាម នីតិវិធីច្បាប់៕ពូឃ្លោក
