ខេត្តកំពង់ចាម÷ អាជីវករលក់ដូរនៅផ្សារផ្អាវប្រមាណ១៤នាក់ផ្ទុះការតវ៉ាចំពោះ លោកស្រី
ហេងវួចនា ភេទស្រី អាយុ២៣ឆ្នាំអាសយដ្ឋានបច្ចុប្បន្នភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ដោយពួកគាត់ចោទប្រកាន់ថាលោកស្រី ហេងវួចនា នេះបានសាងសង់៦បន្ទប់នៅលេី
ចិញ្ចេីមផ្លូវសាធារណះរដ្ឋ។
ប្រភពពីលោកស្រី រស់ ផារី ភេទស្រីអាយុ៦៣ឆ្នាំអាសយដ្ឋានបច្ចុប្បន្ន ភូមិផ្អាវ ឃុំផ្អាវ
ស្រុកបាធាយ ខេត្តកំពង់ចាម
ជាប្រធានផ្សារផ្អាវនឹងអាជីវករផ្សេងៗទៀតបានរៀបរាប់ថាអំឡុងឆ្នាំ១៩៧៩ពួកគាត់ទាំង១៤នាក់កាន់កាប់ដីនឹងលក់ដូរនៅលេីដីនោះទទួលស្គាល់ដោយអាជ្ញាធរនាសមយ័នោះ
រហូតដល់អំឡុង១៩៩២ក៏មានអគ្គីភ័យឆាប់ឆេះតូបពួកគាត់គ្មានសល់ លុះដល់ឆ្នាំ១៩៩៣
ដោយពួកគាត់បានស្នេីរសុំទៅអាជ្ញាធរមូលដ្ឋាន
នាសមយ័នោះដេីម្បីសាងសង់តូបនោះឡេីងវិញ
ប៉ុន្តែខាងអាជ្ញាធរបានប្រាប់ពួកគាត់ថាកន្លែងនេះជាដីរបស់រដ្ឋដូច្នេះតម្រូវអោយ អ៊ុនតាក់(UN)ដាក់ទីស្នាក់ការបណ្ដោះអាសន្នសិន ក្រោយមកអ៊ុនតាក់(UN)ក៏បានចាកចេញទៅវិញអស់ទៅ
អាជ្ញាធរក៏បានប្រគល់ដីនេះអោយមកពួកគាត់លក់ដូរអាស្រ័យផលរហូតដល់សពថ្ងៃនឹងទៅ
ស្រាប់តែអំឡុងឆ្នាំ២០១៩ឈ្មោះ ហេងវួចនា បានបណ្តេញពួកគាត់មិនអោយលក់ដូរនៅកន្លែងដែលពួកគាត់លក់ដូរបច្ចុប្បន្នហេីយឈ្មោះ ហេងវួចនា បានសាងសង់៦បន្ទប់ជួលលើដីសាធារណះរបស់រដ្ឋទៅវិញដែលពួកគាត់កំពង់តែលក់ដូររាល់ថ្ងៃពួកគាត់បានសំណូមពរដល់អាជ្ញាធរភូមិឃុំស្រុកខេត្តមេត្តាជួយកាត់ដីនេះចូលជាសម្បត្តិរដ្ឋវិញផងកុំអោយឈ្មោះ ហេងវួចនា
យកចិញ្ចេីមផ្លូវសាធារណះ
របស់រដ្ឋធ្វេីជាកម្មសិទ្ធសង់បន្ទប់ជួលទៅវិញ។
ចំណែកឯលោកស្រី ហេងវួចនា បានបញ្ជាក់ថាលោកស្រីសាងសង់ជាបន្ទប់ជួលនេះគឺមានការចុះវាស់វែងពីអាជ្ញាធរមូលដ្ឋាន
ប្រសិនបេីការសាងសង់នេះខុសបច្ចេកទេសអាជ្ញាធរមិនវាស់វែងឲ្យនោះទេ
ដោយគាត់សំអាងថាគាត់ធ្វេីជាបន្ទប់ជួលនេះស្ថិតនៅលេីដីរបស់គាត់
រីឯសំណុំរឿងរវាងអាជីវករ ១៤នាក់នៅផ្សារផ្អាវដែលប្តឹងលោកស្រី ហេងវួចនា កំពុងតែរង់ចាំតុលាការខេត្តកំពង់ចាមសម្រេចនៅឡើយ។
លោកឧត្តមសេនីយ៍ត្រី សោម រស់ ស្នងការងខេត្តកំពង់ចាមទទួលបន្ទុកសណ្តាប់ធ្នាប់ចរាចរណ៍បានមានប្រសាសន៍ថា
លោកចុះមករៀបចំសណ្តាប់ធ្នាប់នៅផ្សារផ្អាវនេះដោយសង្កេតឃេីញថាមានកកស្ទុះយ៉ាងខ្លាំង
ដោយអាជីករមួយចំនួនបានយកចិញ្ចេីមផ្លូវនឹងទ្រូងផ្លូវធ្វេីអាជីវកម្មផ្ទាល់ខ្លួនដោយមិនគិតពីការកកស្ទុះឡេីយ។
លោកបានបញ្ជាក់ថាភាគីខាងលោកស្រី ហេងវួចនា ក៏ធ្លាប់ត្រូវបានសាលាស្រុកបាធាយអញ្ជេីញទៅសាកសួរជុំវិញរឿងរ៉ាវសង់បន្ទប់ជួលនៅលេីដីចំណីផ្លូវនេះដែរ តែខាងភាគីលោកស្រី ហេងវួចនា មិនដែលចូលខ្លួនដោះស្រាយម្តងណាឡេីយ។
លោកបានលេីកឡេីងបម្ថែមទៀតថាលោកចាំតែសាលក្រមសម្រេចថាភាគីខាងណាឈ្នះឬភាគីខាងណាចាញ់ប៉ុណ្ណោះលោកនឹងអនុវត្តិ
ដេីម្បីសម្រួលចរាចរណ៍ដល់បងប្អូនប្រជាពលរដ្ឋធ្វេីដំណេីរដោយងាយស្រួលប៉ុណ្ណោះ៕ពូឃ្លោក
