ភ្នំពេញ÷បុរសម្នាក់បានស្លាប់ភ្លាមៗនៅនឹងកន្លែងកើតហេតុដោយសារតែរថយន្តស្ទូចមួយគ្រឿងឡើងចំណោតផ្លូវ ៣៧១ រួចក៏រអិលថយក្រោយកិនលើម៉ូតូ pcx និងម្ចាស់ម៉ូតូបណ្តាលឲ្យស្លាប់ភ្លាមៗនៅកន្លែងកើតហេតុ។
បើតាមសាក្សីបានបញ្ជាក់ថាមុនពេលកើតហេតុប្រហែលម៉ោង ៨ និង ៥០នាទីគេឃើញបុរសម្នាក់ធ្វើដំណើរស្របគ្នាជាមួយនឹងរថយន្តស្ទូចដោយរថយន្តស្ទូចបើកពីខាងមុខចំណែកម៉ូតូ pcx ពណ៌សពាក់ស្លាកលេខភ្នំពេញ១ FT៩៦៣១ ធ្វើដំណើរពីក្រោយជាមួយជនរងគ្រោះ
លុះរថយន្តស្ទូចឡើងចំណោតផ្លូវ៣៧១ក្លោងទ្វារវត្តពោធិញាណឡើងមិនរួចក៏បានរអិលថយក្រោយក៏សង្កត់កិនទៅលើម៉ូតូនិងម្ចាស់ម៉ូតូបណ្ដាលឲ្យស្លាប់ភ្លាមនៅនឹងកន្លែងកើតហេតុ រីឯអ្នកបេីកបររថយន្តត្រូវបានប្រជាពលរដ្ឌចាប់បានប្រគល់អោយសម្ថកិច្ចប៉ុស្តិ៍ស្ទឹងមានជយ័២
បេីតាមគ្រួសារសពបានបញ្ជាក់ថាជនរងគ្រោះឈ្មោះ ក្រួចភារម្យ ភេទប្រុសអាយុ២៧ឆ្នាំបុខរបររត់តុនៅហាងមួយកន្លែង
ស្នាក់នៅផ្ទះជួលម្តុំផ្សារទំនប់ថ្មី៣៧១សង្កាត់បឹងទំពុនទី ២ខណ្ឌមានជ័យ
មានស្រុកកំណើតនៅស្រុកព្រះស្ដេចខេត្តព្រៃវែងមានប្រពន្ធនិងកូនប្រុសម្នាក់ទើបតែអាយុ ១ ខួបកន្លះ
មុនហេតុការណ៍នេះកើតឡើងជនរងគ្រោះបានប្រាប់ប្រពន្ធថាទៅទិញនំបញ្ចុកយកមកហូបលុះពេលទិញនំបញ្ចុកបានហេីយជនរងគ្រោះបានធ្វើដំណេីរទៅផ្ទះវិញក៏ជួបគ្រោះថ្នាក់ចរាចរណ៍រហូតដល់ស្លាប់តែម្តង។
សូមបញ្ជាក់ដែរថាជនរងគ្រោះក៏ធ្លាប់ទៅធ្វើការនៅប្រទេសកូរ៉េដែរ ដោយរងគ្រោះជិតចេញទៅធ្វេីនៅប្រទេសកូរ៉េហេីយ រង់ចាំតែថ្ងៃចេញទៅតែប៉ុណ្ណោះប៉ុន្តែជាអកុសលត្រូវបានស្លាប់បាត់បង់អាយុជីវិតនៅនឹងកន្លែងកើតហេតុតែម្តងដោយគ្រោះថ្នាក់ចរាចរណ៍
ហេតុការណ៍នេះកើតឡើងនៅតាមបណ្ដោយផ្លូវបេតុងសង្កាត់ស្ទឹងមានជ័យទី ២ខណ្ឌមានជ័យរាជធានីភ្នំពេញ។
នៅព្រឹកថ្ងៃទី ២៧ខែសីហាឆ្នាំ ២០១៩ក្រោយពីកើតហេតុសមត្ថកិច្ចមូលដ្ឋានបានទំនាក់ទំនងទៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ។
ដើម្បីវាស់វែងយកវត្ថុតាងទាំងពីរទៅរក្សាទុករង់ចាំដោះស្រាយនាពេលក្រោយ ចំណែកសពត្រូវបានប្រគល់ទៅអោយសាច់ញាតិយកទៅធ្វេីបុណ្យតាមប្រពៃណីនៅឯស្រុកព្រះស្តេចខេត្តព្រៃវែង។
