រាជធានីភ្នំពេញ ៖ យុវជនម្នាក់បានស្លាប់បាត់បង់ជីវិតភ្លាមៗយ៉ាងអណោចអធម៌និងម្នាក់ទៀតរងរបួសស្រាល ខណៈដែលបេីកម៉ូតូក្នុងល្បឿនលឿន ខ្វះការប្រុងប្រយ័ត្នបានជ្រុលទៅបុកគូទរថយន្ត(ហុីយ៉ាន់ដាយ)ដឹកឥតពីក្រោយយ៉ាងពេញទំហឹង បណ្ដាលអោយអ្នកបេីកបរម៉ូតូស្លាប់ក្នុងថ្លុកឈាមភ្លាមៗ និងអ្នកជិះពីក្រោយរងរបួសស្រាលត្រូវបានបញ្ជូនទៅកាន់មន្ទីពេទ្យផងដែរ។
ហេតុការណ៍នេះបានកេីតឡេីងនៅវេលាម៉ោង ៤.១០នាទីល្ងាច់ថ្ងៃទី១០ខែវិច្ឆិកាឆ្នាំ២០២០ តាមបណ្ដោយផ្លូវវិមានឈ្នះ ឈ្នះ ក្នុងសង្កាត់បាក់ខែង ខណ្ឌជ្រោយចង្វាររាជធានីភ្នំពេញ។
យោងតាមប្រភពព័ត៌មានពីកន្លែងកេីតហេតុបានអោយដឹងថា មុនកេីតហេតុគេឃេីញរថយន្តម៉ាក(ហុីយ៉ាន់ដាយ)ដឹកឥតពណ៌សពាក់ស្លាកលេខភ្នំពេញ3C-4542 បេីបរដោយបុរសម្នាក់ត្រូវបានសមត្ថកិច្ចឃាត់ខ្លួន ក្នុងទិសដៅពីកេីតទៅលិច ពេលមកដល់ត្រង់ចំណុចកេីតហេតុ ក៍មានម៉ូតូសង់០១៨ពណ៌ខ្មៅពាក់ស្លាកលេខភ្នំពេញ1GY-0799 បេីកបរក្នុងល្បឿនលឿនទិសដៅស្របគ្នាខ្វះកាប្រុងប្រយ័ត្នបានជ្រុលទៅបុករថយន្តពីក្រោយយ៉ាងពេញទំហឹងបណ្ដាលអោយយុវជនឈ្មោះ គឹម ដេវីត អាយុ១៥ឆ្នាំ មុខរបរជាសិស្សមានទីលំនៅភូមិបាក់ខែងសង្កាត់ព្រែកលៀបខណ្ឌជ្រោយចង្វារ រាជធានីភ្នំពេញ បានស្លាប់ភ្លាមៗក្នុងថ្លុកឈាម និងអ្នកជិះពីក្រោយឈ្មោះឈាន មករាមុខរបរសិស្សមានទីនៅជាមួយគ្នារបួសស្រាល។
ក្រោយពេលកេីតហេតុ សមត្ថកិច្ចមូលដ្ឋានបានមកដល់ បានទំនាក់ទំនងទៅជំនាញការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញ មកវាស់វែងយកម៉ូតូនិងរថយន្តបង្កទៅរក្សាទុករងចាំដោះស្រាយគ្នាតាមផ្លូវច្បាប់ ចំណែកសពត្រូវបានសមត្ថកិច្ចជំនាញធ្វេីកំណត់ហេតុបញ្ជូនទៅអោយក្រុមគ្រួសារសាច់ញាតិយកទៅធ្វេីបុណ្យតាមប្រពៃណី។
