គ្រោះថ្នាក់ចរាចរណ៍ដ៏រន្ធត់មួយបានកើត ឡើងរវាងរថយន្ត២ គ្រឿងដែលធ្វើដំណើរបញ្ច្រាសទិសគ្នា ហើយបានបុកគ្នាយ៉ាងពេញទំហឹងបណ្តាលឲ្យបុរសម្នាក់ស្លាប់ បាត់បង់ជីវិតនៅនឹងកន្លែងកើតហេតុភ្លាម ៗ

ខេត្តកណ្តាល ៖ ករណីគ្រោះថ្នាក់ចរាចរណ៍ដ៏រន្ធត់មួយបានកើតឡើងរវាងរថយន្តធន់តូចជាមួយ

និងរថយន្តធន់ធំបានបណ្ដាលឲ្យបុរសម្នាក់បាត់បង់ជីវិតភ្លាមៗនៅនឹងកន្លែងកើតហេតុ
កាលពីវេលា ១២:១៥នាទី ថ្ងៃទី២៣ ខែកុម្ភៈ
ឆ្នាំ ២០២១ នៅលើកំណាត់ផ្លូវជាតិលេខ ៤
ស្ថិតក្នុងចន្លោះស្រុកអង្គស្នួលខេត្តកណ្ដាល
ជាមួយនឹងព្រំប្រទល់ខេត្តកំពង់ស្ពឺ ។

នេះបើយោងតាមគណនី facebook ជាផ្លូវការរបស់ឧត្តមសេនីយ៍ ទី ចំរើនកុសល បានឲ្យដឹង
ថាឧប្បទ្ទវហេតុគ្រោះថ្នាក់ចរាចរណ៍ខាងលើនេះ
បានបណ្ដាលឲ្យបុរសម្នាក់បាត់បង់ជីវិតភ្លាមៗ នៅនឹងកន្លែងកើតហេតុដែលគេស្គាល់ថាឈ្មោះ ប៉ុន សារឿន អតីតជាអនុរដ្ឋលេខាធិការរបស់ក្រសួងបរិស្ថាន ដែលជាអ្នកបើកបរ រថយន្ដម៉ាក ម៉ាស់ដា BT-50 ពណ៌ ស ពាក់ស្លាកលេខ
ព្រះសីហនុ 2C-4536 ។

ចំណែករថយន្តមួយគ្រឿងទៀតជាប្រភេទរថយន្តធន់ធំរបស់កងដឹកជញ្ជួនពណ៌ត្រេអុី ពាក់ស្លាកលេខកងខេមរៈភូមិន្ទ 4-2409
ហើយ ក្នុងហេតុការណ៍នេះផងដែរ យើងមិនទាន់ដឹងថាតើភាគខាងណាខុសខាងណាត្រូវនៅឡើយទេបន្ទាប់ពីកើតហេតុតៃកុងរថយន្តធុនធំ បានរត់គេចខ្លួនបាត់ស្រម៉ោល។

បន្ទាប់ពីកើតហេតុគេឃើញមានកម្លាំងសមត្ថ
កិច្ចជំនាញចរាចរណ៍ផ្លូវគោកបានចុះមកធ្វើការវាស់វែងនិងយករថយន្តទាំង ២ គ្រឿងទៅរក្សា
ទុកដើម្បីរង់ចាំការដោះស្រាយ ចំណែកសាកសពត្រូវបានដឹកយកទៅខេត្តព្រះសីហនុ និងប្រគល់ជូនក្រុមគ្រួសារដើម្បីធ្វើបុណ្យតាមប្រពៃណី៕