បុរសម្នាក់បានស្លាប់ក្នុងអណ្តាតភ្លេីងក្នុងរថយន្តយ៉ាងអណោចអធ៌មក្រោយរថយន្តបែកកង់ហេីយផ្ទុះឆេះ

ខេត្តកំពង់ឆ្នាំង ៖ គួរឲ្យអណោចអធ៌មជាទីបំផុតបុរសម្នាក់បានស្លាប់ក្នុងរថយន្តក្នុងអណ្តាតភ្លេីងឆាបឆេះបន្ទាបពីជួបហេតុការណ៍រថយន្តបេីកសុខៗក៏បែកកង់ហេីយរេចង្កូតធ្លាក់ចូលប្រឡាយបណ្តាលឲ្យផ្ទុះឆាបឆេះ។ហេតុការណ៍ខាងលេីបានកេីតឡេីង កាលពីវេលា ម៉ោង២១នឹង៥០នាទី យប់ថ្ងៃទី២៧ ខែមិថុនា ឆ្នាំ២០២១ នៅចំណុចភូមិផ្សារ ឃុំផ្សារ ស្រុកបរបូរណ៍ ខេត្តកំពង់ឆ្នាំង។

យោងតាមរបាយការណ៍របស់សមត្ថកិច្ច បានឲ្យដឹង
ថា÷ ជនរងគ្រោះមាន ឈ្មោះ ជា សុវណ្ណដេត ភេទប្រុស អាយុ២៩ឆ្នាំ ជនជាតិខ្មែរ មានទីលំនៅបច្ចុប្បន្នភូមិស្ទឹងថ្មី ឃុំអញ្ចាញរូង ស្រុកបរិបូរណ៍ ខេត្តកំពង់ឆ្នាំង

ប្រភពបានបន្តថា÷ ជនរងគ្រោះបានបើករថយន្តមួយគ្រឿងម៉ាកកាមរីស្វិត ពណ៌ស ពាក់ផ្លាកលេខភ្នំពេញ 2B-9148 ដោយបេីកក្នុងទិសដៅពីលិចទៅកើត លុះមកដល់ចំណុចកេីតហេតុ ស្រាប់តែបែកកង់ហេីយរេចង្កូតធ្លាក់ប្រឡាយធ្វេីឲ្យផ្ទុះហ្គាសឆាបឆេះរថយន្តបណ្តាលឲ្យស្លាប់នៅក្នុងរថយន្តក្នុងអណ្តាតភ្លេីងតែម្ដង។
បច្ចុប្បន្ន សមត្ថកិច្ចបានប្រគល់សពជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕