រថយន្តធំព្រលះយន្តតូច២គ្រឿងទាំងព្រឹកបង្កការភ្ញាក់ផ្អើលនូវផ្លូវវេងស្រេងសំណាងល្អដែរមិនបណ្ដាលឱ្យមាននរណាម្នាក់រងការគ្រោះថ្នាក់នោះទេ

ភ្នំពេញ៖ បុរសម្នាក់បើករថយន្តម៉ាក់កុងតឺន័រមួយគ្រឿងក្នុងល្បឿនលឿនហើយខ្វះការប្រុងប្រយ័ត្នក៏ជ្រុលទៅបុករះរថយន្ត២គ្រឿងដែលកំពុងធ្វើដំណើរនូវខាងមុខបណ្ដាលឱ្យរងការខូចខាតយ៉ាងដំណំតែសំណាងល្អមិនមាននរណាម្នាក់ការគ្រោះថ្នាក់នូវក្នុងហេតុការណ៍នេះទេ បានបង្កការភ្ញាក់ផ្អើលទាំងព្រឹកដល់ប្រជាពលរដ្ឋធ្វើដំណើរតាមដងផ្លូវវេងស្រេងនេះតែម្ដង ។

ហេតុការណ៍នេះបានកើតឡើងកាលពីវេលាម៉ោង០៧នឹង១៥នាទីព្រឹក ថ្ងៃទី១៩ ខែកក្កដា ឆ្នាំ២០២១ ស្ថិតតាមបណ្ដោយផ្លូវវ៉េងស្រេង ក្នុងសង្កាត់ចោមចៅទី០២ ខណ្ឌពោធិ៍សែនជ័យ រាជធានីភ្នំពេញ ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា នូវមុនពេលហេតុការណ៍គ្រោះថ្នាក់ចរាចរណ៍នេះបានកើតឡើងគេបានឃើញបុរសម្នាក់បើករថយន្តម៉ាកForq Ranger ពណ៍ខ្មៅមួយគ្រឿងពាក់ស្លាកលេខខេមរៈភូមិន្ទ02 2-8413 បើកធ្វើដំណើរតាមបណ្ដោយផ្លូវវ៉េងស្រេងហើយក៏បានបង្អង់តិចៗដើម្បីបត់ឆ្លងផ្លូវ ក៍ស្រាប់តែបុរសម្នាក់ដែលបើករថយន្តម៉ាកហាយឡិនឌ័រពណ៍ទឹកប្រាក់មួយគ្រឿងពាក់ស្លាកលេខភ្នំពេញ2AA-3931 បើកធ្វើដំណើរស្របទិសដៅគ្នាមកពីក្រោយឃើញដូច្នេះក៏បានជាន់ហ្វ្រាំងបង្អង់តិចៗរងចាំរថយន្តខាងមុខឆ្លងឲ្យផុតសិនទើបរូបគាត់បន្តទៅទៀត ខណៈពេលនោះក៏ស្រាប់តែមានរថយន្តម៉ាកកុងតឺន័រសណ្ដោងទូរក្បាលពណ៌ខៀវមួយគ្រឿងពាក់ស្លាកលេខភ្នំពេញ3C-6315 បើកធ្វើដំណើរស្របទិសមកពីក្រោយក្នុងល្បឿនលឿនជាន់ហ្វ្រាំងមិនស៊ីជ្រុលមកបុករះពេញទំហឹងបណ្ដាលឲ្យរថយន្តតូចចំនួន២រគ្រឿងរងការខូចខាតយ៉ាងដំណំ តែសំណាងល្អមិនមាននរណាម្នាក់រងការគ្រោះថ្នាក់នៅក្នុងហេតុការណ៍នេះទេ។

ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ត្រួតពិនិត្យមើលរួចរាល់ក៏បានទាក់ទងទៅផ្នែកជំនាញចរាចរណ៍ ខណ្ឌពោធ៏សែបជ័យ ឱ្យចុះមកធ្វើការវាស់វែងហើយយករថយន្តទាំង៣គ្រឿងទៅរក្សាទុករង់ចាំធ្វើការដោះស្រាយគ្នានៅពេលក្រោយ៕