ភ្នំពេញ៖) បុរសម្នាក់បើករថយន្តក្រឡុកស៊ីម៉ង់ត៍មួយគ្រឿងក្នុងល្បឿនលឿនមិនប្រយ័ត្នក៏ជ្រុលទៅបុកជាមួយនិងម៉ូតូជនរងគ្រោះពេញទំហឹងបណ្ដាលឱ្យម្ចាស់ម៉ូតូរងរបួសយ៉ាងធ្ងន់ធ្ងរត្រូវបានរថយន្តសាមុយដឹកយកទៅសង្គ្រោះបន្ទាន់នៅឯមន្ទីរពេទ្យ រីឯម៉ូតូបានរងការខូចខាតយ៉ាងដំណំ ។
ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង០៨និង៣០នាទីព្រឹក ថ្ងៃទី១០ ខែសីហា ឆ្នាំ២០២១នេះ ស្ថិតតាមបណ្ដោយផ្លូវហាណូយត្រង់ចំណុចភូមិឃ្មួញ ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ។
យោងតាមប្រភពព័ត៌មានពីកន្លែងកើតបានឲ្យដឹងថា នៅមុនពេលហេតុការនេះបានកើតឡើងគេបានឃើញបុរសម្នាក់ជិះម៉ូតូម៉ាកឌ្រីមសង់សេរីឆ្នាំ២០១៥ ពណ៌ខ្មៅមួយគ្រឿង ពាក់ស្លាកលេខភ្នំពេញ1FA-3819 ជិះធ្វើដំណើរតាមបណ្ដោយផ្លូវហាណូយ ខណៈពេលមកដល់ត្រង់នឺងចំណុចកើតហេតុខាងលើ ក៍ស្រាប់តែមានបុរសបើករថយន្តក្រឡុកសុីម៉ងត៍ក្បាលពណ៍លាយទឹកក្រូចមួយគ្រឿងពាក់ស្លាកលេខភ្នំពេញ5A-2292 ដែលមានសញ្ញាសំគាល់ជាប់នៅខាងមុខរថយន្តនោះថា(C22) បើកធ្វើដំណើរតាមបណ្ដោយផ្លូវហាណូយដូចគ្នាក្នុងល្បឿនលឿន ហើយជ្រុលទៅបុកជានឹងម៉ូតូជនរងគ្រោះចំពីចំហៀងខាងស្ដាំពេញទំហឹង បណ្ដាលឲ្យម៉ូតូគៀបជាប់នឹងកាងរថយន្តរងការខូចខាតយ៉ាងដំណំ រីឯម្ចាស់បានរងរបួសធ្ងន់ត្រូវរថយន្តសាមុយដឹកយកទៅសង្រ្គោះនៅឯមន្ទីពេទ្យ។
ក្រោយកើតហេតុសមត្ថកិច្ចមូលដ្ឋានឈប់បានឈប់ទៅដល់ត្រួតពិនិត្យមើលរួចរាល់ក៏បានទាក់ទងទៅភ្នែកជំនាញចរាចរណ៍ផ្លូវគោកនៃស្នងការនគរបាលរាជធានីភ្នំពេញ ឲ្យចុះមកធ្វើការវាស់វែងនិងយករថយន្តបង្ករួមជាមួយនិងម៉ូតូជនរងគ្រោះទៅរក្សាទុករង់ចាំដោះស្រាយគ្នានៅពេលក្រោយ។ រក្សាសិទ្ធិ៖)ដោយវុត្ថា
