បន្ទាយមានជ័យ៖)ជនរងគ្រោះទាំងបួននាក់ម្ដាយនិងកូនត្រូវបានស្លា ប់បាត់បង់ជីវិត យ៉ាងអាណោចអាធ័ម បង្កឡើងដោយរថយន្តស៊េរីទំនើបមួយគ្រឿងបើករេចង្កូតធ្លាក់ចូលប្រឡាយក្រឡាប់ផ្ងារជើងទ្រមេឃ។
ហេតុការណ៍គ្រោះថ្នាក់ចរាចរគួរឱ្យរន្ធត់មួយនេះបានកើតឡើងកាលពីវេលាម៉ោង០១នឹង៣០នាទីរសៀល ថ្ងៃទី២២ ខែសីហា ឆ្នាំ២០២១នេះ សិ្ថតតាមបណ្ដោយផ្លូវអភិវឌ្ឍន៍ ចំងាយ២គីឡូម៉ែត្រ ខាងលិចភូមិខ្វាវលិច ក្នុងឃុំស្វាយចេក ស្រុកស្វាយចេក ខេត្តបន្ទាយមានជ័យ។
រីឯសពជនរងគ្រោះខាងលើទី០១ៈមាន ឈ្មោះ គីម ហេង ភេទប្រុស អាយុ៥៥ឆ្នាំ
ទី០២ៈ ឈ្មោះ គង់ សុវណ្ណា ភេទស្រី អាយុ៥៣ឆ្នាំ
ទី០៣ៈមាន ឈ្មោះ ហេង រតនា ភេទស្រី អាយុ៦ឆ្នាំ ត្រូវជាកូន
នឹងទី០៤ៈមាន ឈ្មោះ គឹម ធា ភេទស្រី អាយុ៤២ឆ្នាំ ជនរងគ្រោះទាំង០៤នាក់នេះ មានស្រុកកំណើតរស់នៅភូមិយាងថ្មី ក្នុងស្រុកអូរជ្រៅ ខេត្តបន្ទាយមានជ័យ។
យោងតាមប្រភពព័ត៌មានពីកម្លាំងសមត្ថកិច្ចបានបញ្ជាក់ប្រាប់ឲ្យដឹងថានៅមុនពេលហេតុការណ៍គ្រោះថ្នាក់ចរាចរណ៍នេះបានកើតឡើងគេបានឃើញផ្ទះរថយន្តស៊េរីទំនើបម៉ាកម៉ាស្តារ ពណ៌សមួយគ្រឿងពាក់ស្លាកលេខ-កម្ពុជា MR-SELA បើកធ្វើដំណើរក្នុងទិសដៅពីលិចទៅកើត ខណៈពេលមកដល់ត្រង់ចំណុចផ្លូវបំបែកជាបួន មិនដឹងថាម្ចាស់បើកបរងោកមួយភាំងឬមួយគាត់បានគេចអ្វីនោះទេក៏ស្រាប់តែរេចង្កូតធ្លាក់ចុះពីលើផ្លូវ ផ្លោងចូលទើបក្នុងទឹកប្រឡាយក្រឡាប់ភ្នែកជើងលិចអស់មួយកំណាត់មុខ បណ្ដាលឲ្យអ្នកបើកបរនិងអ្នករួមដំណើរទាំងអស់០៤នាក់ ត្រូវបានស្លា ប់បាត់បង់ជីវិតដោយសារតែរថយន្តបានសង្កត់ពីលើនៅក្នុងទឹកយ៉ាងអាណោចអាធ័ម។
ក្រោយកើតហេតុសមត្ថកិច្ចមូលដ្ឋានក៏បានចុះទៅដល់រួមជាមួយនិងប្រជាពលរដ្ឋជួយចុះស្រង់សាកសពយកមកដាក់នៅលើគោកចំណែករថយន្តត្រូវបានកម្លាំងសមត្ថកិច្ចហៅរថយន្តមកស្ទូចឡើងពីក្នុងទឹកយកទៅរក្សាទុកជាបណ្ដោះអាសន្នរង់ចាំសាច់ញាតិនិងក្រុមគ្រួសារមកទទួលយកសមត្ថកិច្ចយើងនិងប្រគល់ទៅឲ្យវិញ។
ចំណែកសាកសពត្រូវបានសមត្ថកិច្ចជំនាញធ្វើកំណត់ហេតុនិងកុសលវិច្ច័យរួចរាល់ក៍បានទំនាក់ទំនងទៅរកសាច់ញាតិនិងក្រុមគ្រួសារក្រុមគ្រួសារតាមរយៈលេខទូរសព្ទឱ្យមកទទួលយកទៅធ្វើបុណ្យតាមប្រពៃណី។រក្សាសិទ្ធិ៖)ដោយវុត្ថា
