ពិតជាគួរឲ្យអាសូរណាស់ នារីពីរ នាក់បងប្អូនត្រូវបានស្លា ប់បាត់បង់ជីវិតយ៉ាងអាណោចអាធ័មនឹងនារីពីរនាក់ទៀតបានរួចផុតពីសេចក្ដីស្លា ប់ នៅផ្លូវជាតិលេខ១

កណ្ដាល៖) ពិតជាគួរឲ្យអាសូរណាស់នារីវ័យក្មេងពីរនាក់បងប្អូនត្រូវបានដេកស្លា ប់ទន្ទឹមគ្នាយ៉ាងអាណោចអាធ័ម រីឯនារីពីរូបទៀតដែលជិះនៅខាងក្រោយបានរួចផុតពីសេចក្ដីស្លា ប់ បន្ទាប់ពីពួកគេបានជិះម៉ូតូមួយគ្រឿងមានគ្នាចំនួន០៤នាក់ធ្វើដំណើរតាមបណ្ដោយផ្លូវជាតិលេខ១ ហើយបានជ្រុលចង្កូតឡើងទៅលើខឿនចិញ្ចើមផ្លូវហើយក៍ត្រូវបានដួលខ្ទាតចូលទៅក្រោមរថយន្តកុងតឺន័រកិនចំពីលើទាំងពីរនាក់បងប្អូនក្បាលស្លា ប់ភ្លាមៗនៅក្នុងផ្លុកឈាម ហើយរថយន្តបង្កក៏បានព្យាយាមបើករត់តែត្រូវបានប្រជាពលរដ្ឋនិងសមត្ថកិច្ចដេញឃាត់បាន។

ហេតុការណ៍គ្រោះថ្នាក់ចរាចរណ៍ដ៏គួរឲ្យរន្ធត់មួយនេះបានកើតឡើងកាលពីវេលាម៉ោង១០នឹង៣០នាទីព្រឹក ថ្ងៃទី២២ ខែសីហា ឆ្នាំ២០២១នេះ ស្ថិតតាមបណ្ដោយផ្លូវជាតិលេខ១ ត្រង់ចន្លោះគីឡូ ម៉ែត្រលេខ៣៥-៣៦ ក្នុងឃុំបន្ទាយដែក ស្រុកកៀនស្វាយ ខេត្តកណ្ដាល ។

សពជនរងគ្រោះទី១មាន ឈ្មោះ ព្រៀក ស្រីលីន ភេទស្រី នឹងម្នាក់ទៀតមិនទាន់បានស្គាល់អត្ដសញ្ញាណ មានស្រុកកំណើតរស់នៅក្នុងភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្ដាល (ពីនាក់បងប្អូនត្រូវបានស្លា ប់)

យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលហេតុការណ៍គ្រោះថ្នាក់ចរាចរណ៍នេះបានកើតឡើងគេបានឃើញនារីដែលជាជនរងគ្រោះជិះម៉ូតូម៉ាកឌ្រីមសង់សេ១២៤ ផលិតនៅឆ្នាំ២០១៤ពណ៌ខ្មៅមួយគ្រឿងពាក់ស្លាកលេខកណ្ដាល1Q-8414 ជិះចេញពីផ្ទះរបស់ខ្លួនធ្វើដំណើរមានគ្នាទាំងអស់ចំនួន៤នាក់ តាមបណ្ដោយផ្លូវជាតិលេខ១ ក្នុងទិសដៅពីកើតទៅលិចក្នុងគោលបំណងដើរលេងកំសាន្តទៅរមណីយដ្ឋានអង្គរជ័យ ដើម្បីកំសាន្តសប្បាយនៅក្នុងចុងសប្តាហ៍ថ្ងៃអាទិត្យនេះ ខណៈពេលមកដល់ត្រង់ចំណុចកើតហេតុខាងលើជនរង់គ្រោះក៏បានរេចង្កូតទៅឡើងនឹងខឿនចិញ្ចើមផ្លូវ បណ្ដាលឲ្យរអិលដួលរួចខ្ទាតទាំងពីនាក់បងប្អូនមកពាក់កណ្ដាលថ្នល់ ក៍ត្រូវបានរថយន្តម៉ាក់កុងតឺន័រមួយគ្រឿង មិនចាំស្លាកលេខបើកមកពីក្រោយស្របទិសដៅគ្នាកិនចំក្បាលបណ្ដាលឱ្យជនរងគ្រោះម៉េចក្បាលហូរឈាមស្លាប់ភ្លាមភ្លាមយ៉ាងអាណោចអាធ័ម ចំណែកនារីពីរនាក់ទៀតដែលជិះនៅខាងក្រោយបានខ្ទាតទៅនៅនឹងចិញ្ចើមផ្លូវរួចផុតពីសេចក្ដីស្លា ប់ ព្រលឹងនៅចុងសក់ ហើយរថយន្តបង្កក៏បានព្យាយាមបើករត់បានប្រហែលជា ២ទៅ៣ គីឡូម៉ែត្រ ទើបប្រជាពលរដ្ឋផ្ដល់ដំណឹងឲ្យទៅសមត្ថកិច្ចចរាចរណ៍ដែលនៅខាងមុខនោះឃាត់បានភ្លាមៗតែម្ដង។

ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ដើម្បីត្រួតពិនិត្យមើលហើយក៏បានធ្វើការវាស់វែងរួចរាល់ទើបយករថយន្តបង្កនិងម៉ូតូជនរងគ្រោះទៅរក្សាទុកនៅឯអធិការរដ្ឋាននគរបាលស្រុកកៀនស្វាយរង់ចាំធ្វើការដោះស្រាយគ្នានៅពេលក្រោយ។

ចំណែកសាកសពនារី២នាក់បងប្អូនត្រូវបានសមត្ថកិច្ចជំនាញធ្វើកំណត់ហេតុនិងកុសល្យវិច្ច័យរួចរាល់ក៏បានប្រគល់ទៅឱ្យសាច់ញាតិនិងក្រុមគ្រួសារយកទៅធ្វើបុណ្យតាមប្រពៃណី។រក្សាសិទ្ធិ៖)ដោយវុត្ថា