ខេត្តឧត្ដរមានជ័យ : ពលរដ្ឋខ្មែរដែលមានដីចំការតាមជើងភ្នំដងរែក ចាប់ផ្ដើមមានហានិភ័យបណ្ដើរៗទៀតហើយ ក្រោយពីល្បែងបាញ់កាំជ្រូចពេញនិយមនៅប្រទេសថៃត្រូវបានលោក សាប់ យឿន ប្រធានស្នាក់ការច្រកទ្វាអត្តរជាតិ ជាំសាងុាំបើកអោយចូលមកបោះទីតាំងនៅភូមិអូរថ្ម ឃុំត្រពាំងប្រិយ៍ ស្រុកអន្លង់វែង ខេត្តឧត្ដរមានជ័យ បាញ់ហោះពេញមេឃចេញផ្សែងយ៉ាងសន្ធឹកសន្ធប់មិនចេញកាំជ្រូចមីស៊ីសចិនប៉ុន្មានទេ
ជាក់ស្ដែងណាស់នៅថ្ងៃទី១៣ ខែសីហា ឆ្នាំ២០២២ ល្បែងបាញ់កាំជ្រូចភ្នាល់ដាក់លុយរាប់មុឺនរាប់សែនបាត ចាប់ផ្ដើមបើកដំណើរការវិញហើយ! មន្រ្តីអាជ្ញាធរមានសម្ថតកិច្ចស្រុកខេត្តមិនហ៊ានពាល់ធ្វើការបង្ការទប់ស្កាត់និងបង្រ្កាបឡើយ សង្ស័យម្ចាស់ទីតាំងភ្នាល់បាញ់កាំជ្រួចនេះមានខ្សែខ្នងក្រាស់ហេីយមេីលទៅ?ទេីបអាជ្ញាធរមូលដ្ឋានមិនហ៊ានបង្ក្រាបព្រោះខ្លាចអស់តួនាទីនឹងបុណ្យសក្ក័ ព្រោះល្បែងស៊ីសងចាក់ភ្នាល់ដាក់លុយដែលមានពលរដ្ឋខ្មែរ-ថៃ ចូលទៅលេងនៅទីនោះស្របច្បាប់ប្រភពបានបញ្ជាក់ថាមានច្បាប់អនុញ្ញាតចេញពីក្រសួងមហាផ្ទៃឯណោះ.!
នៅថ្ងៃទី១៣ ខែឆ្នាំដដែលក្រុមការងារយើងក៏បានរាយការណ៍ជូនលោកឧត្ដមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យដែរពាក់ព័ន្ធនិងទីតាំងបាញ់កាំជ្រូចភ្នាល់ដាក់លុយនៅលើខ្នងភ្នំដងរែក ច្រកអន្តរជាតិជាំ សាងុាំ លោកបានបញ្ជាក់ថាល្បែងបាញ់កាំជ្រូចគឺមានច្បាប់អនុញ្ញាតចេញពីក្រសួងមហាផ្ទៃទៀតផង។
ទោះជាលោកស្នងការខេត្តបកស្រាយបែបនេះក្តី រាល់ចម្ងល់ពាក់ព័ន្ធទៅនឹងល្បែងស៊ីសងបាញ់កាំជ្រូចចាក់ភ្នាល់ដាក់លុយរាប់មុឺនរាប់សែនបាត ដែលមានពលរដ្ឋខ្មែរ-ថៃ ចូលទៅលេងយ៉ាងច្រើនកុះករស្របច្បាប់ឬយ៉ាងណា.? តើក្រសួងមហាផ្ទៃលោកពិតជាបានចេញ ច្បាប់អនុញ្ញាតអោយក្រុមហ៊ុនយកកាំជ្រូច បាញ់លើទឹកដីខ្មែរមែនដែរឬទេទាន.? ហើយការបាញ់នេះ វានិងអាចធ្វើអោយពលរដ្ឋខ្មែររងផលប៉ះពាល់ដល់សុខភាព អាយុជីវិតដែរឬយ៉ាងណា.?នៅរាល់ការបាញ់ចេញផ្សែងៗសាយភាយសារធាតុពុល និងជាតិគីមីទៅលើអាកាសយ៉ាងដូច្នេះ ពេលខ្លះក៏បង្កហានិភ័យឆាបឆេះផ្ទះប្រជាពលរដ្ឋក៏មានដែរដោយសារកជ្រួលទងនោះធ្លាក់មកចំផ្ទះរបស់ពួកគាត់ ប្រជាពលរដ្ឋបានស្នេីរសុំដល់សម្តេចក្រឡាហោម សខេង រដ្ឋមន្ត្រីក្រសួងមហាផ្ទៃនឹងឯកឧត្តមនាយឧត្តមសេនីយ៍សន្តិបណ្ឌិត នេតសាវឿន អគ្គស្នងការនគរបាលជាតិមេត្តាជួយពិនិត្យនឹងបង្ក្រាបទីតាំងបាញ់កាំជ្រួចភ្នាល់ដាក់លុយរាប់សិបមុឺនសែនបាតនេះផងទាន
រាល់ការចោទប្រកាន់ទាំងអស់នេះពីសំណាក់ប្រជាពលរដ្ឋ អង្គភាពសារព័ត៌មានCRN News យេីងខ្ញុំនឹងរង់ចាំធ្វេីការបកស្រាយរៀងរាល់ម៉ោងធ្វេីការ៕គង្គា06
