ប្រទះឃើញសាកសពម្នាក់ អណ្តែតទឹក បង្កការភ្ញាក់ផ្អើល

ភ្នំពេញ៖ កាលពី ថ្ងៃទី១៨ ខែធ្នូឆ្នាំ២០១៩ សពបុរសជនជាតិស្បែកខ្មៅម្នាក់ត្រូវបានប្រជាពលរដ្ឋប្រទះឃើញអណ្តែតទឹកបឹងមួយកន្លែង ក្នុងបុរីពិភពថ្មី ស្ថិតក្នុងភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ

មុនពេលកើតហេតុនៅល្ងាចថ្ងៃទី១៦ខែធ្នូ ឆ្នាំ២០១៩ មានកម្លាំងសមត្ថកិច្ចមួយក្រុមបានចុះមកបង្ក្រាបករណីគ្រឿងញៀន និងបានផ្ទុះអាវុធងដែរ ។ ក្នុងករណីនោះ សមត្ថកិច្ចបានឃាត់ខ្លួនជនសង្ស័យម្នាក់ ចំណែកម្នាក់ទៀតបានលោតចេញក្រៅរបងចូលទឹកបឹងបាត់ លុះរហូតមកដល់វេលាម៉ោង៩ព្រឹក ថ្ងៃទី១៨ ខែធ្នូ មានអ្នកនេសាទម្នាក់បានចុះបឹងទៅរកត្រី ស្រាប់តែប្រទះឃើញសពជនជាតិស្បែកខ្មៅដែលបាត់ពីថ្ងៃបង្ក្រាបគ្រឿងញៀនអណ្តែតទឹកក្នុងសភាពហើមស្អុយរលួយបាត់ទៅហើយ ។ សមត្ថកិច្ចបានចុះទៅដល់ចំណុចកើតហេតុ និងទាក់ទងទៅជំនាញមកធ្វើកោសល្យវិច័យ ៕crnnews