រតនគិរី÷ កាលពីយប់ថ្ងៃទី៣០ខែមករាឆ្នាំ២០២៣មន្ត្រីប៉េអឹមស្រុកអូរជុំបានសហការជាមួយសង្កាត់រដ្ឋបាលព្រៃឈើ ថ្នាក់ស្រុក រួមគ្នាចុះទៅតាមចាប់បានឡានដឹកឈើមួយគ្រឿងនិងឃាត់ខ្លួនមនុស្សម្នាក់រួចប្រគល់ឲ្យទៅមេព្រៃខេត្ដរតនគិរីដើម្បីចាត់ការតាមច្បាប់។
ប្រភពពីស្រុកអូរជុំបានឲ្យដឹងថាក្រោយពីសមត្ថកិច្ចចម្រុះបានចុះទៅតាមប្រផាប់ចាប់ប្រភីងនៅម៉ោងប៉ុន្មានបីយប់ឈានចូលថ្ងៃទី ៣១ខែមករាដដែលនោះសមត្ថកិច្ចក៍ចាប់បានឡានដឹកឈើមួយគ្រឿងនោះទៅចំណុចភូមិម៉ាសឃុំប៉ូយស្រុកអូរជុំខេត្តរតនគិរី គឺក្រោមហេតុផលថាឈ្មួញនោះមិនបានប្រាប់។
ប្រភពបានបន្តថាខណៈពេលនោះដែរកម្លាំងចម្រុះបានបើកការចរចាទារប្រាក់ពីឈ្មួញក្នុងតម្លៃខ្ពស់គឺមានចំនួនច្រើនពេកទើបឈ្មួញនោះពុំមានលទ្ធភាពរកប្រាក់បានគ្រប់ចំនួនទេទើបទីបំផុតសមត្ថកិច្ចក៍ធ្វើតាមច្បាប់ដោយសុំកិច្ចអន្តរាគមន៍ពីតុលាការខេត្ដហើយឈានទៅរឹបអូសយកឡានដែលដឹកឈើនោះរួមនឹងឃាត់ខ្លួនមនុស្សម្នាក់ប្រគល់ជូនមេព្រៃខេត្តឲ្យជួយចាត់ការតាមនីតិវិធីច្បាប់តែម្ដង។
ទង្វើរបស់មន្ត្រីចម្រុះនៅមូលដ្ឋានបើបានធ្វើបែបនេះមែនតើអាចនិយាយថាជាអំពើទុករលួយដែលឬទេ? សូមអង្គភាព ACUមេត្តាជ្រាបផងទាន.? ។
គួរកត់សម្គាល់ថាដើមឡើយនៅខេត្តរតនគិរីមានព្រៃឈើប្រមាណ៧០ភាគរយនៃផ្ទៃដីសរុប។ពោលគឺសម្បូរទៅដោយឈើប្រណិតនិងឈើលេខមួយដែលល្អៗរាប់ម៉ឺនហិចតាប៉ុន្ដែក្រោយពីមានសមត្ថកិច្ចចម្រុះពាក់ព័ន្ធចូលរួមការពារកាន់តែច្រើនឃើញថាកាន់តែបាត់បង់វិញគឺដោយសារពួកគេមិនបានបំពេញតួនាទីជាមន្ត្រីល្អដើម្បីបំពេញការងារទេទើបធ្វើឲ្យព្រៃឈើដូនតាយើងនៅរតនគិរីស្ទើវិនាសទាំងស្រុងទៅវិញ។
ប្រជាពលរដ្ឋនៅទូទាំងខេត្តរតនគីរីរងចាំមើលថាតើសមត្ថកិច្ចពាក់ព័ន្ធនិងចាត់របៀបការពារព្រៃឈើដូចម្ដេចតទៅទៀតជាពិសេសខាងជំនាញមេព្រៃតើលោកនឹងមានវិធានការផ្លូវច្បាប់យ៉ាងណាក្រោយពេលមេបេអឹមស្រុកអូរជុំបានប្រគល់ភស្តុតាងរួមនិងជនសង្ស័យម្នាក់កាលពីរសៀលថ្ងៃទី ៣១មករាឆ្នាំ ២០២៣នោះឬមួយស្ងាត់ៗធ្វើការដោះលែងមនុស្សបាត់ហើយទេដឹង?៕ប្រភពខ្មែឥសាន្ត
