(បន្ទាយមានជ័យ) : នៅរសៀលថ្ងៃចន្ទ ទី ២០ ខែកុម្ភៈ ឆ្នាំ២០២៣នេះ ប្រភពពីប្រជាពលរដ្ឋ ដែលរស់នៅភូមិទំនប់ដាច់ ឃុំអូរបីជាន់ ស្រុកអូរជ្រៅខេត្តបន្ទាយមានជ័យ។
បានបញ្ជាក់ឲ្យដឹងថា បុគ្គលឈ្មោះ លោកភាវ កំពុងសម្រុកដឹកជញ្ជួនអាចម៍ដី រុះពាសពេញផ្លូវ មិនគ្របតង់ឲ្យបានត្រឹមត្រូវនោះទេ លោក និងបក្សពួកដឹកជញ្ជួនអាចម៍ដីយ៉ាងពេញបន្ទុករៀងរាល់ថ្ងៃ មិនដែលគ្របតង់ឲ្យបានត្រឹមត្រូវតាមលក្ខណៈបច្ចេកទេសនោះទេ បណ្តាលអោយធ្លាក់ជ្រុះដីរប៉ាត់រប៉ាយតាមដងផ្លូវ៥៨ ដីហុយទ្រលោម ធ្វើអោយប៉ះពាល់ដល់ការរស់នៅរបស់បងប្អូនប្រជាពលរដ្ឋ នឹងអ្នកធ្វើដំណើរថែមទៀតផង។
មហាជនបានលើកឡើងថា លោកសុកវឌ្ឍនា មន្ទីររ៉ែ ថាមពលខេត្តបន្ទាយមានជ័យ និងសមត្ថកិច្ចពាក់ព័ន្ធ មិនដែលបានចុះពិនិត្យ រណ្តៅដីខ្នាតយក្សមានជម្រៅជិតដល់ក្បាលប្រែត ហើយមិនបានធ្វើរបងពទ្ធ័ ឬដាំកូនឈេីជុំវិញអោយបានត្រឹមត្រូវ ដើម្បីការពារដល់សត្វ គោ ក្របី ឬមនុស្សចាស់ក្មេង ដែលអាចបង្កអោយមានគ្រោះថ្នាក់ ដល់បងប្អូនប្រជាពលរដ្ឋ រស់នៅក្នុងភូមិទំនប់ដាច់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ប្រជាពលរដ្ឋបានអំពាវនាវដល់ ឯកឧត្តម អ៑ុំ រាត្រី អភិបាលនៃគណៈអភិបាលខេត្តបន្ទាយមានជ័យ មេត្តាចាត់មន្ត្រីក្រោមឱវាទឬលោក កែវ តារារស្មី អភិបាលស្រុកអូរជ្រៅ ខេត្តបន្ទាយមានជ័យ ចុះមកត្រួតពិនិត្យផង ចំពោះរណ្តៅដីរបស់លោក ភាវ ដឹកជញ្ជូនអាចម៍ដីរុះពាសពេញផ្លូវសាធារណះ ធ្វេីឲ្យប៉ះពាល់ដល់បងប្អូនក្នុងមូលដ្ឋាន។
រាល់ការចោទប្រកាន់របស់ពលរដ្ឋខាងលេីអង្គភាពសារព័ត៌មានcCrnnewsរង់ចាំបកស្រាយរៀងរាល់ម៉ោងធ្វេីការ៕គង្គា78
