ខេត្តកំពត ៖ កាសុីណូមិនមានឈ្មោះមួយកន្លែង នៅក្បែរច្រកទ្វេរភាគី កម្ពុជា-វៀតណាម “តន់ហន់” ស្ថិតនៅភូមិព្រែកគ្រឹស្ត ឃុំព្រែកគ្រឹស្ត ស្រុកកំពង់ត្រាច ខេត្តពកំពត បើកលេងល្បែងយ៉ាងរលូន ជាយូរណាស់មកហេីយ ដែលក្នុងនោះមាន សង្វៀនមាន់ យូគី អាប៉ោង និងល្បែងម៉ាសុីនជាដេីម តែគ្មានសមត្ថកិច្ចជំនាញណាមួយ ចុះបង្ក្រាបឡេីយ។
ប្រភពពីប្រជាពលរដ្ឋ បានឲ្យដឹងថា កាស៊ីណូមួយនេះ បេីកលេងរាប់សិបឆ្នាំមកហេីយ មានទាំងជនជាតិវៀតណាម និងជនជាតិខ្មែរ ហេីយអ្នកញៀនល្បែងទាំងនោះ មកពីទីជិត ទីឆ្ងាយ ដេីម្បីមកលេងល្បែងជល់មាន់ យូគី អាប៉ោង ក្នុងកាស៊ីណូខាងលេី។
តាមប្រភពពីប្រជាពលរដ្ឋខ្លះ បានលេីកឡេីងជាមតិថា កាសុីណូខាងលើនេះ ប្រហែលជាគ្មានច្បាប់នោះទេ បានជាមិនលើកស្លាកយីហោអោយបានត្រឹមត្រូវ ហើយខ្លះទៀតថា ទោះកាសុីណូនេះមានច្បាប់ក៏ដោយ ក៏មិនមែនច្បាប់អោយបើកសង្វៀនមាន់ យូគី អាប៉ោងនោះដែរ ហើយអ្នកចូលលេងជាជនជាតិខ្មែរនោះទេ។
ប្រជាពលរដ្ឋនៅក្នុងមូលដ្ឋាន បានលេីកឡេីងថា ពួកគាត់មានការព្រួយបារម្ភយ៉ាងខ្លាំង ចំពោះទីតាំងកាស៊ីណូខាងលេី ព្រោះវាអាចបង្កជា អសន្តិសុខ គ្មានសុវត្ថិភាព ក្នុងការរស់នៅ ហេីយក៏អាចកេីតមានអំពេីហិង្សា ចោរកម្មជាដេីម។ ពលរដ្ឋ បានចោទជាសំនួរថា មូលហេតុអ្វី បានជាអាជ្ញាធរមានសមត្ថកិច្ច មិនហ៊ានបង្ក្រាបកាស៊ីណូគ្មានយីហោមួយនេះ ឬខ្លាចអំណាចម្ចាស់កាស៊ីណូ ឬមួយមានហេតុផលផ្សេង?
ប្រជាពលរដ្ឋ សូមសំណូមពរដល់ឯកឧត្តម ជាវ តាយ អភិបាលខេត្ត ជាពិសេសលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត មេត្តាដាក់កម្លាំង ចុះត្រួតពិនិត្យ និងមានវិធានការ ចំពោះទីតាំងកាស៊ីណូដុះស្លែ គ្មានស្លាកយីហោមួយនេះផង៕crnnews
