បុរសម្នាក់បើករថយន្តកាមរី មិនគោរពភ្លើងស្តុបបានជ្រុលទៅបុករថយន្ត Roll Royce របស់ឧកញ៉ា ឌួង ឆាយ

ភ្នំពេញ៖ បុរសម្នាក់រួមដំណើរនិងប្រុសស្រី៤នាក់បើករថយន្តមួយគ្រឿងមិនគោរពភ្លើងស្តុបបានជ្រុលទៅបុករថយន្ត Roll Royce របស់ឧកញ៉ា ឌួង ឆាយ បណ្ដាលឲ្យខូចខាតកាលពីវេលាម៉ោង១៖២០នាទីយប់ រំលងអធ្រាត្រឈានចូលថ្ងៃទី១៣ ខែកុម្ពះ ឆ្នាំ២០២០ ត្រង់ចំណុចស្តុប BS តាមបណ្តោយផ្លូវកម្ពុជាក្រោម កែងនិងផ្លូវព្រះមុនីវង្ស ក្នុងសង្កាត់មនោរម្យ ខណ្ឌ៧មករា ។

រថយន្តកាមរី ពណ៌ទឹកប្រាក់ ពាក់ស្លាកលេខ ភ្នំពេញ2AY.1549 និងរថយន្ត Roll Royce ពណ៌ស គ្មានស្លាកលេខ ។

តាមប្រភពបានឲ្យដឹងថា ដំបូងឡើយគេឃើញរថយន្តកាមរី បើកតាមបណ្ដោយផ្លូវកម្ពុជាក្រោមទិសដៅពីលិចមកកើតខណៈមកដល់ចំណុចកើតហេតុខាងលើក៏ជ្រុលទៅបុករថយន្តសេរីទំនើបមិនមានស្លាកលេខបើកបរដោយឧញ៉ាឌួង ឆាយ តាមបណ្ដោយផ្លូវព្រះមុនីវង្សទិសដៅពីជើងមកត្បូងបានបុករថយន្ត Roll Royce ខូចខាតផ្នែកខាងស្តាំ រីឯរថយន្តកាមរីរងការខូចខាតផ្នែកខាងមុខ ផងដែរ ។

ក្រោយពីកើតហេតុសមត្ថកិច្ចមូលដ្ឋានបានចុះមកដល់ទីតាំងហើយក៏បានទំនាក់ទំនងទៅសមត្ថកិច្ចចរាចរណ៍ក្រុងមកវាស់វែងយករថយន្តទាំង២គ្រឿង ទៅរក្សាទុកនៅចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមផ្លូវច្បាបើ៕crnnews